Sansar News
५ जेठ, काठमाडौँ । नेपाल वायुसेवा निगमको वाइडबडी जहाज आज चीनको ग्वान्जाओ जाने भएको छ । नेपाली सेनाले खरिद गरेको स्वास्थ्य सामाग्री लिन जहाज त्यसतर्फ जान लागेको हो ।
पहिलो उडानबाट १८ टन स्वास्थ्य सामाग्री काठमाडौं ल्याउने सेनाको तयारी छ । लगत्तै दोस्रो उडानको मिति तय हुने बताइएको छ । यसअघि नै सेनाले स्थल मार्गबाट १० ट्रक स्वास्थ्य सामाग्री काठमाडौं ल्याइसकेको छ ।
सेनाले ३ सय ४१ टन स्वास्थ्य सामग्रीका लागि चिनियाँ सरकारी स्वामित्वको सिनो फर्मासँग सम्झौता गरेको छ । स्वास्थ्य सामग्री खरिदका लागि सेनाले करिब २ अर्ब नेपाली रुपैयाँ भुक्तानि दिइसकेको छ ।
वि.सं.२०७७ जेठ ५ सोमवार १०:१४ मा प्रकाशित
