हामी सबैकाे संसारन्यूज

रमाइलो थियो त्यो जीवन
तोते बोलिको त्यो बालपन
हिलो माटोमा खेल्ने त्यो बानी
गल्ती गरियो जानी नजानी ।

भोक लागे रोईदिए पुग्थो
आमाको काखमा दुखनै भुल्थो
देखेको कुरा जसरी नि चाहियो
रोए पछि खोजे जति पाहियो ।

उहि बालपनमा फर्किन मन लाग्छ
त्यही तोते बोलि बोल्न मन लाग्छ
आनन्द आउछ स्मरण गर्दा ति दिन
याद आउछ बालपन हरदिन, हरदिन ।

केहि थिएन चिन्ता नत कोहिको डर
सहजै पुरा हुने आफ्ना ती रहर
बालपन अति रमाइलो हुन्छ किन ?
याद आउँछ बालपन हरदिन हरदिन ।

आमाको शब्द कोखाई कोखाई हाम्म
त्यति भनेसी बल्ल खाईन्थो ग्वाम्म
सम्झनामा सिमित भए ति दिन
तर पनि याद आउँछ हरदिन हरदिन ।

बगनासकाली ८ बराङ्दी बेलौतिखरक,पाल्पा