Sansar News
१२ जेठ, काठमाण्डौं । नेपाली कांग्रेसका सभापति शेर बहादुर देउवाले इद पर्वले सम्पूर्ण जातजाति तथा धर्मालम्बीमा एकताको सन्देश दिन सफल भएको बताएका छन् ।
स्लाम धर्मावलम्वीको पवित्र पर्व इद उल फित्रका अवसरमा स्वदेश तथा विदेशमा रहेका सम्पूर्ण मुस्लिम समुदायमा सुख, शान्ति एवम् समृद्धिको शुभकामना (इद मुवारक) व्यक्त गरेका छन् ।
सभापति देउवाले कोरोना भाइरसको जोखिमलाई दृष्टिगत गर्दै भौतिक दूरीलाई कायम राखी पारस्परिक एकता, विश्वास र प्रेमका साथ इद पर्व मनाउन समेत सबैलाई आग्रह समेत गरेका छन् ।
सभापति देउवाले पवित्र इद उल फित्र पर्वले मुलुकमा शान्ति, सद्भाव र समृद्धि ल्याउन सबैलाई प्रेरणा दिने विश्वास व्यक्त गर्दै लोकतन्त्रको स्थापना र पुनःस्थापनाका लागि विगतमा भएका हरेक लोकतान्त्रिक आन्दोलनमा इस्लाम धर्मावलम्बीको महत्वपूर्ण योगदान रहँदै आएको समेत बताए ।
पूर्वप्रधानमन्त्री समेत रहेका सभापति देउवाले लोकतन्त्रको रक्षार्थ मुस्लिम दिदीबहिनी तथा दाजुभाइ अझ बढी जिम्मेवार हुने समेत बताएका छन् ।
वि.सं.२०७७ जेठ १२ सोमवार ०७:३१ मा प्रकाशित
