हामी सबैकाे संसारन्यूज

१२ जेठ, काठमाडौँ । प्रधानमन्त्री केपी शर्मा ओलीले विदेशमा समस्यामा परेका नेपालीहरुलाई छिट्टै नेपाल फर्काइने बताएका छन् ।

राष्ट्रको नाममा सम्बोधन गर्ने क्रममा उनले उनले कोभिड १९ को विश्वव्यापी रुपमा परेको असहज परिस्थितिमा स्वदेश फर्कन पर्ने अवस्थामा रहेका नेपालीहरुलाई छिट्टै घर फर्काइने जानकारी दिँदै यसका लागि सरकारले आवश्यक कार्य गरिरहेको बताएका हुन् ।

प्रधानमन्त्री ओलीले विदेशमा रहेका नेपालीहरुलाई निश्चिन्त रहन आग्रह गर्दै असहज परिस्थितिमा स्वदेश फर्कन पर्ने अवस्थामा रहेका नेपालीहरुलाई स्वदेश फर्काउने सम्बन्धी बृस्तृत योजनासहितको आदेश तत्काल जारी गरिने बताएका छन् । विश्वका जुनसुकै कुनामा रहेका आफ्ना देशवासीहरुलाई सरकारले समयमै उद्धार गर्ने कुरामा निश्चिन्त रहन आग्रह गरेका छन् ।

आफूले ठूलो संख्यामा नेपाली कार्यरत मुलुकका सरकार तथा राष्ट्रप्रमुखसँग गम्भिर संवाद गरिरहेको जानकारी गराउँदै उनले नेपालीहरुको अप्ठ्यारोमा सहयोग गर्न आफूले गरेको आग्रहमा उनीहरुले निश्चिन्त रहन आश्वस्त पारेकोसमेत सम्बोधनका क्रममा बताएका छन् ।

उनले भनेका छन् ‘सरकार आफ्ना नागरिको समस्याप्रति संवेदनशिल रहेको छ र समस्याको प्राथमिकता र देशभित्रको तयारीका बीच सन्तुलन मिलाउँदै यो काम छिट्टै सुरु गरिने छ ।’