हामी सबैकाे संसारन्यूज

मान्छे आफ्नो स्वार्थका लागि नातासम्बन्ध केही सोच्दैन भनेको शायद यहि होला । भारतमा नातासम्बन्धलाई लज्जीत बनाउने काम एक दाजुबहिनीले गरेका छन् । भारतको पञ्जाबबाट यस्तो खबर सनसनी भएर फैलिरहेको छ, जुन सुन्दा चकित लाग्छ । आफ्नै दाजु र बहिनीबीचको विवाहको खबर संचारमाध्यमहरु फैलिएका छन् ।

आफ्नै दाजुसँग विवाह गर्नुको कारण थियो, अष्ट्रेलिया जाने चाहना, त्यसका लागि भिषा समस्या थियो । दाजुबहिनी बीचको विवाहलाई दर्ता गराएर उनी नक्कली पासपोर्ट लिएर अष्ट्रेलिया गइन् । एउटी महिलाले यसबारे पुलिसलाई गुनासो गरेपछि यो कुरा बाहिर आएको हो । यो योजनामा उनीहरुको परिवार पनि रहेको बताइएको छ ।

एसबीएस पञ्जाबका इन्स्पेक्टर जयसिंहले यसबारे आफूहरुलाई थाहा नभएको बताएका छन् । उनले अनुसन्धानका क्रममा उनका भाइ अष्ट्रेलियाको स्थायी बासिन्दा भएको र आफ्नी बहिनीलाई श्रीमतीको नक्कली डकुमेन्ट मिलाएर अष्ट्रेलिया लगेका छन् । नक्कली कागजात बनाएर विवाह सर्टिफिकट गुरुद्वाराबाट बनाएका छन् भने कार्यालयमा दर्ता गराएको अनुसन्धानबाट पत्ता लागेको बताएका छन् ।

इन्स्पेक्टर सिंह भन्छन् ‘उनीहरूले सामाजिक व्यवस्था, कानुनी व्यवस्था र धार्मिक प्रणालीलाई धोका दिएका छन् । ताकि तिनीहरू विदेशमा बस्न रहनसकुन् । हामीलाई गुमराहमा राख्दै तिनीहरू भागिरहेका छन् ।’ हालसम्म कसैलाई हिरासतमा लिएको छैन ।

नक्कली कागजातको सहयोगमा बहिनी आफ्नो दाजुसँग अष्ट्रेलिया गएकी छन् । उनका दाजु अष्ट्रेलियामा काम गर्छन् । पुलिसका अनुसार यो ठगीको गम्भीर मामला हो । जसमा सम्पूर्ण परिवारको बिरूद्ध मुद्दा दायर गरिएको छ । प्रहरीले अनुसन्धान गरिरहेको छ । इन्स्पेक्टर जय सिंहले भने ‘मानिसहरू विदेश जान धेरै किसिमका ठगी गर्छन् । तर आफ्नो दाजुसँग बिहे गरेर विदेश जाने घटना पहिलो पटक सुन्न सकिन्छ । यो सुनेर सबै जना छक्क परे ।’ (एजेन्सी)