Sansar News
अन्तराष्ट्रीय साहित्य समाज (अनेसास) न्युयोर्क च्याप्टरको आयोजनामा मिती ०६/०६/२०२० का दिन अनेसासका पूर्ब अध्यक्ष साहित्यकार पुनम काफ्लेको नवौं कृति कथा संग्रह “अन्तर्ध्वनि” को भर्चुयल लोकार्पण गरिएको छ ।
उक्त अबसरमा अनेसास ट्रष्टी अध्यक्ष साहित्यकार गीता खत्रि, अनेसास केन्द्रीय अध्यक्ष राधेश्याम लेकाली, च्याप्टरका पूर्बअध्यक्ष क्रमशः साहित्यकार ज्योती पौडेल, बिकाश बिष्ट र राजेन्द्र श्रेष्ठको उपस्थिति रहेको थियो ।
त्यस्तै बर्तमान अध्यक्ष शकुन ज्ञवालीलगायत साहित्यकारहरु मधुबन पौडेल, डा मधु माधुर्य तथा च्याप्टरका अन्य सदस्यहरु एवम् सल्लाहकार साहित्यकार रश्मी भट्ट, उपाध्यक्ष साहित्यकार शान्ता घिमिरेको पनि सहभागिता रहेको थियो ।
साहित्यकार जानुका वस्ति ढकाल, मेनका पराजुली, बेदा खरेल, सृजना लामा, साहित्यकार सिता खरेल, नेपाल नियोगका महाबाणीज्यदुत पुष्पराज भट्टराई, किरण काफ्ले साथै अन्य साहित्य अनुरागीको पनि गरिमामय उपस्थित थियो।
डा मधु माधुर्य र साहित्यकार मधुबन पौडेलले “अन्तर्ध्वनि” कथा संग्रहको समिक्षा गरेका थिए भने उपस्थित सम्पूर्ण सहभागीहरुले कथाकार पुनम काफ्लेलाई बधाई तथा शुभकामना ब्यक्त गरेका थिए ।
संधै झैं कार्यक्रमको संचालन च्याप्टरका महासचिब साहित्यकार राजन महर्जनले रमाईलो बाताबरणमा गरेका थिए ।
(लक्ष्मी श्रेष्ठको सहयोगमा )
वि.सं.२०७७ जेठ २६ सोमवार १९:१८ मा प्रकाशित
