Sansar News
२६ जेठ, काठमाण्डौं । नेपालमा आइतबार (२६ जेठ) सम्म र्यापिड र पिसीआर प्रविधि दुवैबाट २ लाख ५७ हजार ९६२ वटा कोरोना भाइरसको नमुना परीक्षण गरिएको छ ।
जसमा पछिल्लो २४ घण्टामा दुवै प्रविधिबाट १६,७०८ वटा नमुना परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ । पछिल्लो समय परीक्षणको दायरा दैनिकरुपमा बढ्दै गएको मन्त्रालयले जानकारी दिएको छ ।
मन्त्रालयका अनुसार आजसम्म पिसीआर प्रविधिबाट १ लाख ९७१ र आरडिटी प्रविधिबाट १ लाख ५६ हजार ९९१ वटा नमुना परीक्षण गरिएको हो । जसमा पछिल्लो २४ घण्टामा ४,७६६ पिसीआर र ११,९४२ वटा र्यापिड परीक्षण गरिएको छ ।
त्यसैगरी हालसम्म प्रदेशस्तरमा गरिएको र्यापिड नमुना परीक्षणको संख्या १ लाख ५६ हजार ९९१ पुगेको बताइएको छ ।
हालसम्म देशका विभिन्न अस्पताल र आइसोलेसन सेन्टरमा ३,२६० जनाको उपचार भइरहेको छ भने रेडजोनमा रहनेको संख्या हालसम्म ४८६ जना रहेका छन् । साथै आज काठमाण्डौंका १ जना रेडजोनमा परेका छन् ।
त्यसैगरी हालसम्म भारत लगायत विभिन्न देश र एक जिल्लाबाट अर्को जिल्लामा पुगेर क्वारेन्टिनमा रहनेको संख्या १ लाख ६६ हजार ६६८ पुगेको छ ।
त्यसैगरी आज वालिङ नगरपालिकाका ६० वर्षीय पुरुषको उपचारका क्रममा मृत्यु भएसँगै नेपालमा कोरोना संक्रमणबाट मृत्यु हुनेको संख्या १३ पुगेको छ ।
आज ३१४ जनामा कोरोना संक्रमण भएको पुष्टि, संक्रमितको संख्या ३,७६२ पुग्यो
नेपालमा आज ३१४ जना नयाँ कोरोना संक्रमित भेटिएका छन् । जसमा २९४ जना पुरुष र २० जना महिला रहेका छन् ।
स्वास्थ्य मन्त्रालयका अनुसार आज संक्रमित पुष्टि भएकाहरुमा प्रादेशिक अस्पताल विराटनगरमा गरिएको परीक्षणमा १६ जनामा कोरोना संक्रमण पुष्टि भएको छ । उनीहरुमा झापा गौरीगन्ज गाउँपालिकाका १८ देखि ४१ वर्षीय ६ जना पुरुष, सुनसरी कोशी गाउँपालिकाका १९ वर्षे पुरुष, मोरङ धनपालथापन गाउँपालिका, लेटाङ नगरपालिका र रौतामाई गाउँपालिकाका ९ जना रहेका छन् । उनीहरु १२ देखि ३६ वर्षे उमेर समुहका रहेका छन् । उनीहरुमा १ महिला र ८ पुरुष रहेका छन् ।
त्यसैगरी कोशी अस्पतालको प्रयोगशालामा गरिएको परीक्षणमा झापा गौरीगन्ज, मेची नरगपालिका र, हल्दिवारी गाउँपालिकाको क्वारेन्टिनमा रहेका १८ देखि ३१ वर्षका ३ जना पुरुष, पाँचथर लालिखर्क गाउँपालिका घर भई हल्दिबारी क्वारेन्टाइनमा रहेका २३ वर्षीय पुरुष, सप्तरी राजविराज नरगपालिकाका १४ देखि ३४ वर्षका रहेका छन् । उनीहरुमा १ महिला र ५ जना पुरुष गरी जम्मा ६ जना रहेका छन् ।
बीपी कोइराला स्वास्थ्य विज्ञान प्रतिष्ठान धरानमा गरिएको परीक्षणमा सप्तरी बालन बेहुल गाउँपालिकाको क्वारेन्टाइनमा रहेका १६ जनामा संक्रमण देखिएको छ । उनीहरु १ महिला र १५ पुरुष रहेका छन् ।
प्रादेशिक जनस्वास्थ्य प्रयोगशाला जनकपुरमा गरिएको परीक्षणमा १५ जनामा संक्रमण पुष्टि भएको छ । उनीहरु १६ देखि २५ वर्षे उमेर समुहका पुरुष रहेका छन् ।
नेपालमा आज ३१४ जनामा कोरोना संक्रमण भएको पुष्टि, संक्रमितको संख्या ३,७६२ पुग्यो
प्रादेशिक जनस्वास्थ्य प्रयोगशाला पोखरामा गरिएको परीक्षणमा स्याङजा वालिङका ६० वर्षीय पुरुष र कास्की पोखरा महानगरपालिकाको क्वारेन्टिनमा रहेका ४२ वर्षीय पुरुषमा पनि संक्रमण पृष्टि भएको छ । वालिङका ६० वर्षीय पुरुषको उपचारका क्रममा पोखरा अस्पतालमा मृत्यु भएको छ ।
त्यस्तै नारायणी अस्पताल विरगन्जको प्रयोगशालामा गरिएको परीक्षणमा पर्सा जगन्नाथपुर गाउँपालिकाको क्वारेन्टिनमा रहेका १ महिला र ७ पुरुष गरी ८ जनामा संक्रमण पुष्टि भएको छ । साथै वाराका स्वर्ण गाउँपालिका र प्रचौटा नगरपालिकाका १ बालिका, १ महिला र ५ पुरुष गरी जम्मा ७ जना रहेका छन् ।
रौतहट गढीमाई नगरपालिकाको क्वारेन्टिनमा रहेका ४ जना पुरुषमा पनि संक्रमण पुष्टि भएको छ ।
राप्ती स्वास्थ्य विज्ञान प्रतिष्ठानमा गरिएको परीक्षणमा दाङ बग्लाचुली गाउँपालिका र घोराही उपमहानरगपालिकाका ४ जना पुरुष रहेका छन् ।
भेरी अस्पतालको प्रयोगशालामा गरिएको परीक्षणमा बाँके जानकी गाउँपालिका १ पुरुष, मधुवन ठाकुरवावा बासघारी बर्दियाका १ बालिका, २ महिला र १५ जना पुरुष गरी १८ जनामा संक्रमण पुष्टि भएको छ ।
सुर्खेत प्रादेशिक अस्पताल पशुपंक्षी रोग अन्वेषण प्रयोगशालामा गरिएको परीक्षणमा दैलेख आठविस नगरपालिका, नारायण नगरपालिका, वुङगेश्वर, गुरासँ र नौमुले गाउँपालिकाका १० जना पुरुषमा संक्रमण पुष्टि भएको छ । साथै सल्यान बनगार्ड कुपिण्डे नगरपालिका र कुमाद गाउँपालिकाका १ महिला र ४ पुरुष गरी जम्मा ५ जनामा संक्रमण पुष्टि भएको छ । सुर्खेत बराहतालका २१ वर्षे पुरुषपनि संक्रमित भएका छन् ।
प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा ६५ जनामा संक्रमण पुष्टि भएको छ । अर्घाखाची सन्धिखर्क सितगंगा, पाणिनी गाउँपालिकाका २ महिला र २९ जना पुरुष गरी जम्मा ३१ जना रहेका छन् । गुल्मी हाल लुम्बिनी मेडिकलेजमा रहेका ३२ वर्षीया महिला, कपिलवस्तुका १ महिला र १६ पुरुष गरी १७ जना रहेका छन् । नवलपरासी १ महिला र १ पुरुष गरी २ जना, पाल्पा हाल लुम्बिनी मेडिकल कलेजका १ पुरुष, प्युठान कोटिमाइ गाउँपालिका, लुम्बिनी विश्वविद्यालयको क्वारेन्टिनमा रहेका १ बालिका र ७ पुरुष गरी ८ जना र रुपन्देहीकी १ महिला र ४ जना पुरुष गरी ५ जनामा संक्रमण पुष्टि भएको छ ।
राष्ट्रिय जनस्वास्थ्य प्रयोगशाला टेकुमा गरिएको परीक्षणमा कपिलवस्तु महाराजगन्ज नगरपालिकाका ७ पुरुष, महोत्तरी जलेश्वर र औरही क्वारेन्टिनमा रहेका १२ जना पुरुष, रौतहट इशनाथका ७ जना पुरुष, सर्लाही विष्णु गाउँपालिका, मधुवन क्वारेन्टिन, ब्रम्हपुरी, इश्वरपुर र कविलास क्वारेन्टिनमा रहेका १०६ जनामा संक्रमण पुष्टि भएको छ । उनीहरुमा तीनजना महिला र १०३ जना पुरुष रहेका छन् ।
आज संक्रमित पुष्टि भएका ३१४ सहित नेपालमा हालसम्म ३,७६२ जनामा कोरोना संक्रमण पृष्टि भएको छ । उनीहरुमा ३,५०६ जना पुरुष र महिला २५६ जना रहेका छन् ।
कूल संक्रमित ३,७६२ जनामा हालसम्म ४८८ जना निको भएर घर फर्किएका छन् । मन्त्रालयका अनुसार हालसम्म ७१ जिल्लाका नागरिकमा कोरोना संक्रमण भेटिएका छन् ।
आज २१ जना कोरोना संक्रमणबाट मुक्त भए, निको हुनेको संख्या ४८८ पुग्यो
आज २१ जना कोरोना संक्रमणबाट मुक्त भए, निको हुनेको संख्या ४८८ पुग्यो
२६ जेठ, काठमाण्डौं । नेपालमा आज २१ जना कोरोना संक्रमणबाट मुक्त भएका छन् ।
स्वास्थ्य मन्त्रालयका प्रवक्ता जागेश्वर देवकोटाले दिएको जानकारी अनुसार आज डिस्चार्ज हुनेमा १ जना महिला र २० जना रहेका छन् ।
बाँकेको खुजरा अस्पतालबाट २० जना डिस्चार्ज भएका हुन् । बाँके नरैनापुर गाउँपालिकाका उनीहरु १५ देखि २० दिनको उपचारपछि अस्पतालबाट डिस्चार्ज भएका हुन् । १३ देखि ५२ वर्ष उमेर समुहका उनीहरु सबै पुरुष रहेका छन् ।
कोभिड युनिफाइड अस्पताल बलम्बुबाट २३ वर्षीया महिला डिस्चार्ज भएकी छन् । उनी पाँचौदिनको उपचारपछि डिस्चार्ज भएकी हुन् ।
वि.सं.२०७७ जेठ २६ सोमवार १८:२७ मा प्रकाशित
