हामी सबैकाे संसारन्यूज

२७ जेठ, काठमाण्डौं । रुपन्देहीको तिलोत्तमा नगरपालिकाको वडा नं १० मा पाँचजनाको हत्या भएको छ ।

वडा नं १० को मैनहवा गाउँमा स्थानीय कृष्ण बहादुर पुनको गंगादेवी पशु फार्ममा कार्यरत कामदारहरु श्रीमान श्रीमतीसहित ५ जनाको हत्या भएको जिल्ला प्रहरी कार्यालय रुपन्देहीले जनाएको छ ।

जिल्ला प्रहरी कार्यालय रुपन्देहीका डिएसपी खड्ग बहादुर क्षेत्रीका अनुसार सोमबार राति भएको उक्त घटनामा फार्ममा कार्यरत माधब मुसहर र उनकी श्रीमती जानकी मुसहर तथा फार्ममा कार्यरत १४ वर्षीय टोखराज मुसहर, १५ वर्षीय आशिष चौधरी र १६ वर्षीय करण चौधरीको हत्या भएको हो । घटनास्थलमै रहेका डिएसपी क्षेत्रीका अनुसार उनीहरुको फरुवाले हानेर हत्या गरिएको थियो ।

हत्यामा संलग्न रहेको आशंकामा प्रहरीले एकजनालाई पक्राउ गरेर अनुसन्धान गरिरहेको जनाएको छ ।

घटनामा पाँचमध्ये चारजनाको घटनास्थलमै मृत्यु भएको र एकजनाको उपचारका लागि अस्पताल लैजादै गर्दा मृत्यु भएको बताइएको छ ।