हामी सबैकाे संसारन्यूज

२८ जेठ, काठमाडौं । सरकारले लकडाउनको मोडालिटीमा परिवर्तन गर्ने निर्णय गरेको छ । बुधबार बसेको मन्त्रीपरिषद बैठकले गत चैत्र ११ गतेदेखि जारी लकडाउनको मोडालिट परिवर्तन गर्ने निर्णय गरेको हो ।

आबस्यक स्वस्थ्यको मापदण्डहरुको पालना गरेर कृषि, पशुपालन तथा ब्यपार ब्यबसाय गर्न पाईने छ भने उपत्यकाको हकमा आंशिक रुपले सवारी साधन चल्न दिईने छ । यो निर्णय बिहीबार देखि नै लागु हुने एक मन्त्रीले बताए ।

त्यस्तै काठमाडौं उपत्यकासहित जोखिम कम भएका क्षेत्रहरूमा जोर विजोर प्रणाली लागू गरेर सवारी सञ्चालन गर्ने निर्णय पनि मन्त्रीपरिषद्को बैठकले गरेको छ । जसअनुसार ट्याक्सी, मोटरसाइकल लगायतका निजी सवारी साधन संचालन गर्न पाइने छ । तर लामो रुटकालाई भने अहिले अनुमति दिइएको छैन । तर सवारी साधनमा पनि सामाजिक दुरी कायम गर्न चारपांग्रे निजी सवारी साधनमा चालकबाहेक २ जना र मोटरसाइकलमा एकजना मात्रै बस्न पाउने निर्णय गरिएको बताइएको छ ।

जोर अंकको गते सवारी साधनको अन्तिम अंक जोर भएका सवारी साधन र बिजोर अंकको गते सवारी साधनको अन्तिम अंक बिजोर भएका सवारी साधन मात्रै चल्न पाउनेछन् ।

धेरै भीडभाड हुने स्थानहरु तत्काल खुल्ने छैनन् ।

प्रधानमन्त्री केपी शर्मा ओलीले बुधबारको प्रतिनिधिसभा बैठकमा जनजीवन सहज पार्नका लागि निर्णय सरकारले नयाँ निर्णय लिने बताएका थिए ।

मन्त्रिपरिषद्ले गरेका सबै निर्णय र लकडाउन खुकुलो पार्ने मोडालिटी बिहीबार मात्रै सार्वजनिक गर्ने भएको छ । सरकारले सुरु गरेको लकडाउन भोलि ८० दिन दिन पुग्दैछ ।

चैत ११ गतेदेखि जारी लकडाउन निरन्तर लम्बिँदा दैनिक जीवनयापनमै समस्या पर्न थालेपछि सरकारमाथि लकडाउन खुकुलो बनाउन दबाब बढ्दै आएको थियो भने केहि दिनदेखि लकडाउन खुकुलो बनाउन माग गर्दै सडकमै विरोध प्रदर्शन गरिँदै आएको थियो ।

यस वर्षको एसईई परिक्षा नगर्ने सरकारको निर्णय