हामी सबैकाे संसारन्यूज

२९ जेठ, काठमाण्डौं । विदा लगायत विभिन्न कामको सिलसिलामा नेपाल आएका नेपाली नागरिकहरु बोकेर अब जापानका लागि नेपालबाट चार्टड उडान गर्न नपाइने भएको छ ।

यसअघि नेपालबाट विमान चार्टड गरेर धेरै नेपाली नागरिकहरु जापान पुगिसकेको अवस्था र अन्य पनि चार्टड उडानमार्फत् जाने तयारी भइरहेको अवस्थामा नेपालस्थित जापानी दूतावासले पत्रसहित ११ जुन देखि नेपालबाट, जापानका लागि चार्टड उडान गर्न नपाइने जानकारी गराएको हो ।

नेपालमा कोरोना संक्रमण बढ्दै गइरहेको अवस्थामा जुन ११ देखि चार्टड उडानहरु गर्न नसकिने जानकारी गराउँदै नेपालस्थित जापानी दूतावासले जुन ८, २०२० मा पठाएको JE NO-152-2020  कुटनीतिक नोट सहितको पत्र परराष्ट्र मन्त्रालय हुँदै गृहमा आइसकेपछि देशभरीका ७७ जिल्लाका प्रशासनलाई उक्त पत्र पठाइएको छ ।