Sansar News
३१ जेठ, काठमाडौँ । पूर्वप्रधानमन्त्री तथा नेपाल कम्युनिष्ट पार्टी(नेकपा)का कार्यकारी अध्यक्ष पुष्पकमल दाहाल ‘प्रचण्ड’ ले राष्ट्रिय सहमतिको विकल्प नभएको बताएका छन् ।
प्रतिनिधिसभामा संविधानको दोस्रो संसोधन सर्वसम्मतीले पास भए लगत्तै संबोधन गरेका प्रचण्डले नेपालको भूभागलाई आफ्नो भन्न सकेको विषयलाई लामो प्रयत्नको केन्द्रीकृत अभिव्यक्तिका रुपमा बुझ्नु पर्ने बताएका हुन् ।
गुमेको भूमि फिर्ता लिन दाबि प्रस्ततु गर्ने मुख्य संकल्प आज सार्थक भएको बताउँदै यसका लागि भूमिका खेल्ने नेपाल सरकार, प्रधानमन्त्री, राजनैतिक दलहरु र आम नागरिकलाई बधाई तथा आभार व्यक्त गरेका छन् ।
‘यी मुद्धा कुनै पार्टी विशेष, गुट विशेष र व्यक्ति विशेषको बहादुरी नभएर नेपाली जनताले लामो समयदेखि बनाएको राष्ट्रियताको आन्दोलनको केन्द्रीकृत अभिव्यक्ति हो’ भनेका छन् । उनले लामो समयदेखिको बहस र अभ्यासकै कारण बसैको प्रयासले सम्भव भएको दोहो¥याएका हुन् । ।
नेपालको संसदमा देखिएको अभूतपूर्व एकताले सीमाका अन्य समस्या समाधान गर्न बल पुगेको बताउँदै प्रचण्डले भारतलाईसहित रुपमा बुझ्न मद्दत पुग्ने विश्वास व्यक्त गरेका छन् । उनले नेकपाको बैठकबाटै नक्सा प्रकाशन गर्न सुझाव दिइएको र सबै दलहरुले समर्थन जनाएको पृष्ठभूमिलाई दह्रो एकतामा बदल्न अपिल गरेका छन् ।
वि.सं.२०७७ जेठ ३१ शनिवार १४:२० मा प्रकाशित
