Sansar News
३१ जेठ, काठमाडौँ । जनता समाजवादी पार्टीका नेता तथा पूर्वमन्त्री राजेन्द्र महतोले राष्ट्रियताको पुरानो परिभाषा काम नलाग्ने भएको बताएका छन् ।
संविधान संसोधनका पक्षमा मत जाहेर गर्नुको पृष्ठभूमि भन्दै संसदमा बोलेका नेता महतोले देशको सवालमा, भूमिको सवालमा र राष्ट्रियताको सवालमा आफ्नो पार्टी प्रतिबद्धता रहेको बताएका छन् ।
हिमाल–पहाड– तराई सबैको भावना नबुझेर तराइबासीलाई हेप्ने र राष्ट्रवादी नदेख्ने पुरानो चश्मा फाल्न र कुण्ठा तथा नश्लमा सुधार ल्याउन जरुरी भएको समेत उनले बताएका छन् ।
मधेशलाई विभेद र अपमान गरेपनि भूमिको रक्षा गर्न तराईबासीलाई नयाँ ढंगले बुझ्न र राष्ट्रवादको भरिलो परिभाषा खोज्न पनि उनले आग्रह गरेका थिए । उनले महाकाली सन्धिबाट पनि देशलाई घात गरिएको आरोप पनि लगाएका थिए ।
वि.सं.२०७७ जेठ ३१ शनिवार १६:०४ मा प्रकाशित
