-->
Logo
१४ असार २०७९, मंगलवार
     Tue Jun 28 2022
E-paper
  English Edition
   Unicode
Logo

अराजक, अनुशासनहिनता, दरीद्र चिन्तन र उच्छ्र्रिङखलहरुको नेतृत्वमा समस्याको समाधान हुन सक्दैन



वर्तमान सरकारकै अगुवाईमा आज देशको भूमि नक्शामा पार्दै नेपालको भएको हो भन्ने प्रमाण संसदबाट अत्यधिक बहुमतले पारीत गरेको छ । सरकारले आज सबैलाई साथमा लिन सफल भएको छ । आगामी दिनमा पनि सबै एकभएर अगाडि बढनु पर्नेको बिकल्प पनि छैन । एकले अर्कातर्फ औँला उठाउनु भन्दा पनि सहि र गलतको यथार्थमा अगाडि बढनु पर्ने अति आवश्यक देखीन्छ । यस कोरोनाको माहामारीबाट देश र जनतालाई पार लगाउन देशी बिदेशी शक्तिहरुबाट देशलाई बचाउ । सरकार परिचालन र संघर्ष गर्दे गरौँला यसैमा नै सबैको भलो छ ।

यतिबेला विश्वमा फैलिरहेको महामारी रोग कोरोना कोभिड–१९ बाट आक्रान्त छ । देशको अर्थतन्त्र व्यापार बिजनेश चौपट छ । गाँस, बाँस र कपासको समस्याले गरीब दुःखी निमुखाहरु त्राहित्राहि बन्नु परीरहेको छ । गाउँ, बजार, समाज मन्द छ । अर्थतन्त्रको चलायमन ठप्प छ । प्रवास, मुग्लान पुगेका लाखौँ आफ्ना सन्तानहरुका कारण यसबेला पिर चिन्तामा छन् । बिदेशी भूमिमा लाखौ लाख प्रवासीहरु अलपत्र छाडेर यस्तो बिषम परिस्थितिमा आज केही तत्वहरु नेपाल देशको सडकहरुमा ताण्डब नाँच नाँच्न पुगिरहेका छन् । सङ्कटको यसबेला ती अराजकहरुको भिड देशमा कोरोनाको महामारीलाई समुदाय बिचमा फैलाउन तल्लीन छन् । कस्तो बिडम्बना ! नेपालको आन्तरीक मामलामा देशी बिदेशी शक्तिहरुको चलखेल आज प्रत्यक्ष तथा अप्रत्यक्ष रुपमा संलग्नता छ भन्नेकुरा आज छर्लङ्ग देख्न सकिन्छ । जो बिदेशी खुफिया एजेन्सीहरु नेपाली नागरिकलाई दाना पानी र तलब भत्ता खुवाएर केही पत्रकारीताको नाउँमा पालेका छन् त केही सामाजिक अभियान्तको नाउँमा त केहि राजनिती र केही बौद्धिक जमातको रुपमा उनीहरु परिचालित छन् । उनीहरु देशको आन्तरिक राजनीति सामाजिक, साँस्कृतिक तथा आर्थिक रुपमा घेर्ने प्रयास गरेका हरेक घटनाक्रमले देखाईरहेकै छन् । यसबेला सिङ्गो देशलाई कोरोनाको बिरुद्ध एकताबद्ध बनाएर अगाडि बढनु र बढाउनु साटो उल्टो अराजक बनेर देश र जनतालाई कोरोनामय बनाउन खोजिरहेका छन् ।

आज सरकारले देशको राष्ट्रियताको बिषयमा एकता बनेर अगाडि बढीरहेको यस घडीमा ती गलत तत्वहरु सरकारका असल कार्यबाट छट्पटाउन पुगेका छन् । उनीहरुलाई निन्द्रा लागिरहेको छैन । ती गलत तत्वहरु, हिजो देशमा भ्रष्टाचार गरेर रमाएकाहरु, देशलाई कसैको काखमा सुम्पन्न पुगेका दलालहरु, मानव समाजको उद्धार र सहयोगको नाउँबाट अभियान्ता बनेकाहरु, अँधेरीको जुनकीरीलाई साहारा बनाएर अपराधिक खेल खेल्न सिकेकाहरु, सुर्यको बिहानीको उदयसँगै हँसिलो चेहेरा लिएर साधुबाद बन्दै गाउँ बेशि घुम्ने गर्दछन् । ती अभियान्ताहरु गरीबको मानो लुटेर अरु प्रति जालसाजि गरेर सर्वहाराको मन्थन गर्ने गर्दछन । आफै अनेकौ अपराधिक क्रियाकलापमा संलग्न रहेर अँधेरी रातमा बच्न र बचाउने कार्यमा हातमा टोपी लिएर दौडनेहरु नै समाजका अगाडि न्याधीश बनेश खडा हुने गर्दछन् । ती अपराधिक मनुवाहरुलाई समाजले गल्ती हो भनेर प्रमाणित गरिसके पछि पनि बचाउने र जोगाइ दिने खेलमा आफू साहासी बौद्धिक यात्री बनेका धमिराहरु नै पछि आफू कुनै जानकार नभएको व्याख्या गर्न पनि पछि पर्दैनन् ।

समाजलाई अन्धकार तर्फ धकेल्न पल्केकाहरु देश र जनतालाई बन्धक बनाएर दुई छाक टार्ने पल्केकाहरु नै आज पनि समाजलाई आफ्नो स्वार्थ अनुकुल परिचालित गर्न गराउन न्वारन देखीकै बल प्रयोग गर्ने पुगेका छन् । ती त्यस प्रकारका चिन्तनका मानिसहरुलाई समाजले बेला बखत झापट दिइसक्दा पनि चेपारे छेपारे बनेर आफू सहि र अरु खराब भएको भनेर समाजका अगाडि व्याख्या गर्न पछि पर्देनन् । समाजका अगाडि गिरीसकेका पात्रहरु नै आफै महान दाशर्निक साहासी योद्धा भएको ग्रन्थ सुनाउन पुग्दछन् । ती त्यस्तै दरीद्र चिन्तन बोकेका मनुवाहरु कहिले पार्टीको व्यानरमा लिडर बनेर देखिन्छन् त कहिले सामाजिक अभियान्त बनेर, कहिले स्वतन्त्र बनेर आफ्नो स्वार्थ अनुकुल कहिले पार्टी छाड्दछन त कहिले पार्टी सार्टी केही हैन भन्दै समुदायलाई भ्रम छर्न पनि पछि पर्देनन । जबसम्म हरेक व्यक्तिले समाजले त्यस प्रकारका मनुवाहरुलाई चिन्न सक्दैनौ तबसम्म ती तत्वहरु विभिन्न षड्यन्त्र गर्ने गराउने खेलमा लागि रहन्छन । जनताले दिएको जिम्मेदारीलाई अनुशासित, ईमान्दारीता र नैतिकताको साथ आफूलाई स्थापित गर्दैनौँ तबसम्म समाजमा यस प्ररकारका गलत तत्वले समाजलाई गुमराहमा पार्ने काममा सक्रिय बनिरहन्छन नै ।

सरकारको बिरोध गर्ने अनेकौ उपाय र बिकल्पहरु छन् र भ्रष्टाचारको हिसाब किताब खोज्ने सम्बन्धित निकाय छन् । सबै राजनितीक पार्टीका निर्बाचित सयौ प्रतिनिधिहरु छन् । उनीहरुमार्फत पनि समस्याको उठान र समाधान तर्फे केन्द्रीत गर्न गराउन सकिन्छ । सरकार फेर्ने समय पनि जनतामा निहित छ, जो समयमा आईहाल्छ । त्यसबेला निर्णय गर्ने अधिकार जनतामा सुरक्षित रहेको सबैलाई जानकारी छ । वर्तमानको यस सरकारले एउटा देशको निर्भरताबाट बहुदेशीय तर्फ केन्द्रीत गर्न सफल भएको छ र बिदेशीहरु कै शरणमा हैन आफैमा आत्मनिर्भर गर्ने गराउन केन्द्रीत छ । देशको प्रतिरोधात्मक क्षमता विश्वको सामु बढाउन सफल भएको छ । यस अर्थमा यसबेला देशभित्रका आफ्ना समस्याहरु आफै भित्रबाट समाधान तर्फे केन्द्रीत हुँदै स्थानीय, प्रदेश, पक्ष प्रतिपक्ष आम जनसमुदाय गम्भीर बनेर अगाडि बढनु पर्ने समयको माग बनिरहेको छ ।

वर्तमान सरकारकै अगुवाईमा आज देशको भूमि नक्शामा पार्दै नेपालको भएको हो भन्ने प्रमाण संसदबाट अत्यधिक बहुमतले पारीत गरेको छ । सरकारले आज सबैलाई साथमा लिन सफल भएको छ । आगामी दिनमा पनि सबै एकभएर अगाडि बढनु पर्नेको बिकल्प पनि छैन । एकले अर्कातर्फ औँला उठाउनु भन्दा पनि सहि र गलतको यथार्थमा अगाडि बढनु पर्ने अति आवश्यक देखीन्छ । यस कोरोनाको माहामारीबाट देश र जनतालाई पार लगाउन देशी बिदेशी शक्तिहरुबाट देशलाई बचाउ । सरकार परिचालन र संघर्ष गर्दे गरौँला यसैमा नै सबैको भलो छ ।
चेतना भया !

दुर्गादत्त पौडेल, सचिव प्रवासी नेपाली संघ भारत । तमिलनाडु पुदुचेरी संयुक्त राज्य समिति ।


यो खबर पढेर तपाईलाई कस्तो महसुस भयो ?

काठमाडाैं । नेपाल कम्युनिष्ट पार्टी एकता राष्ट्रिय अभियानका संयोजक बामदेव गौतमले मंगलबार नयाँ पार्टीको

पोर्चुगल । रोजगारीका लागि पोर्चुगल पुगेका रुपन्देहीका युवाको त्यहाँ पुगेको केही दिनमै निधन भएको

काठमाडौं । रुस र युक्रेनबीचको युद्ध पाँचौं महिनामा चलिरहेको छ । लम्बिदोँ युद्धमा रुस

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा