Logo
१३ असार २०७९, सोमबार
     Mon Jun 27 2022
E-paper
  English Edition
   Unicode
Logo

बंगलादेशमा अलपत्र परेका २५८ नेपाली लिएर आयो नेपाल एयरलाईन्सको जहाज



३२ जेठ, काठमाण्डौं । विश्वव्यापी कोरोना संक्रमणको महामारी र त्यसको रोकथाम तथा नियन्त्रणका लागि गरिएको लकडाउनका कारण बंगलादेशमा अलपत्र परेका २५८ नेपाली आज घर फर्किन सफल भएका छन् ।

नेपाल एयरलाईन्सको वाइड बडी ‘ए’ ३३० ज जहाजको चार्टड उडानबाट उनीहरु आज नेपाल फर्किएका हुन् ।

विश्वव्यापी विद्यार्थी संगठन (WNSO) बंगलादेशका सल्लाहकार डाक्टर राकेश साहका अनुसार नेपाल फर्किनेमा २३६ जना बंगलादेशका विभिन्न युनिभर्सिटीमा अध्ययनरत नेपाली विद्यार्थीहरु रहेका छन् भने अन्यमा विभिन्न संघ संस्थाबाट विशेष कामका लागि वंगलादेश पुगरे त्यहि रोकिएकाहरु रहेका छन् ।

उनीहरुको नेपाल आउनु भन्दा पहिले कोरोना संक्रमण भए\ नभएको जाँचका लागि पिसीआर परीक्षण गरिएको थियो । परीक्षणका क्रममा उनीहरुमध्ये ६ जनामा कोरोना पोजेटिभ देखिएपछि उनीहरु देश फर्कन नपाएको एक विद्यार्थीले संसारन्युजलाई जानकारी दिएका छन् ।

आइतबार बेलुका ७ बजे त्रिभुवन अन्तराष्ट्रिय विमानस्थलमा उत्रिएका उनीहरुलाई उपत्यकाका विभिन्न होल्डिङ सेन्टरमा राखिने बताइएको छ ।

आज २५८ जना नेपाल ल्याइएसँगै बाँकी रहेका र नेपाल आउन चाहेका झण्डै ६ सय बढी विद्यार्थी लगायतलाई जुन १७, २० र २१ तारिखमा हिमालयन एयर र नेपाल एयरलाइन्सको चार्टड उडानमार्फत नेपाल ल्याइने छ ।

वोन्सो बंगलादेशले विद्यार्थीहरुको उद्धारमा नेपाली दूतावास बंगलादेशका राजदूत डा. वंशीधर मिश्रले ठूलो सहयोग गरेको भन्दै धन्यवाद दिएको छ ।

स्मरणरहोस्, कोरोनाका कारण प्रभावित बनेका विद्यार्थीहरुलाई देश फर्काउनका लागि वोन्सो वंगलादेशले उल्लेख्य भूमिका खेलेको थियो ।

बंगलादेशमा कोरोनाको कहरः नेपाली विद्यार्थी भन्छन्–’सरकार हामी घर फर्कन चाहान्छौं’


यो खबर पढेर तपाईलाई कस्तो महसुस भयो ?

पोर्चुगल । रोजगारीका लागि पोर्चुगल पुगेका रुपन्देहीका युवाको त्यहाँ पुगेको केही दिनमै निधन भएको

काठमाडौं । रुस र युक्रेनबीचको युद्ध पाँचौं महिनामा चलिरहेको छ । लम्बिदोँ युद्धमा रुस

असारको पहिलो साता  बागबजारका २ जनामा देखिएको हैजा त्यसको एकसातामै १२ जनामा पुष्टि भएको

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा