हामी सबैकाे संसारन्यूज

 वेलायतको अल्डरसटमा कार दुर्घटनामा परेर एक नेपालीको निधन भएको छ ।
२५ डिसेम्बर बिहानको ७ वजे आफूले चलाइरहेको कार अनियन्त्रित भएर दुर्घटना हुँदा गोरखा सैनिक नम्बर २११५८९२६ डब्ल्युओटु नारान प्रसाद गुरुङको मृत्यु भएको हो ।
कामका लागि सर्रे अस्पतालमा गइरहेका बेला भएको दुर्घटनामा  गुरुङकी श्रीमती खुसीमाया गुरुङ घाइते भएकी छन् । उनको सेन्ट जर्ज अस्पताल लन्डनमा उपचार हुँदैछ । उनको करङ र फोक्सोमा चोट लागेको मार्दीखोला समाज युकेका अध्यक्ष हीरामान गुरुङले बताए ।
मार्दी खोला समाज युकेका सक्रिय सदस्य तथा आजीवन सदस्य रहेका ल्वाङघलेल गाविस १ खोरामुख कास्की घर भएका ६० वर्षे गुरुङ छोरा डा. दिनेश गुरुङ र बुहारी दन्त चिकित्सक डा. इला र सासुका साथमा वेलायतमा बस्दै आएका थिए ।
घटना लगत्तै दुर्घटनास्थलमा पुगेको पारामेडिक्सको टोलीले उपचार गर्न नपाइ गुरुङको मृत्यु भएको घोषणा गरेको थियो ।