Sansar News
१ जेठ, कतार । नेपाली दूतावास कतारले, कतारबाट नेपाल फर्कन चाहाने नेपाली बोकेर आउने जहाजको उडान स्थगीत भएको सूचना जारी गरेको छ ।
जुन १६ गते हुने भनिएको नेपाल एयरलाईन्स र १७ जुन २०२० मा हिमालयन एयरलाईन्सको उडानहरु प्राविधिक कारणले स्थगीत भएको जनाएको छ ।
‘गत २०७७ जेठ ३० गते यस राजदूतावासबाट जारी भएको सूचनामा उल्लेख गरिए अनुसार दोहाबाट काठमाण्डौका लागि १६ जुन २०२० मा नेपाल एयरलाइन्सको र १७ जुन २०२० मा हिमालय एयरलाइन्सको उडानहरु प्राविधिक कारणले हुन नसक्ने व्यहोरा सम्बन्धित सबैको जानकारीको लागि अनुरोध गरिन्छ,’ दूतावासले सोमबार एक सूचना जारी गर्दै भनेको छ, ‘उक्त उडानहरुको नयाँ तालिका तय भएपछि जानकारी गराइने व्यहोरा समेत सबैमा अनुरोध छ ।’
वि.सं.२०७७ असार १ सोमवार २०:३६ मा प्रकाशित
