हामी सबैकाे संसारन्यूज

१ असार, ओमान ।  ओमानमा कोरोनाबाट प्रभावित भएका नेपालीहरु आज सलाम एयरको इख्(द्धद्दठ को पहिलो चार्टड उडान मार्फत् नेपाल फर्किएका छन् ।

नेपाली दूतावास ओमानले कोभिड १९ का कारण असहजता भोगिरहेका र स्वदेश फर्कनु पर्ने नेपालीहरुलाई आज सलम एयरको चार्टड विमानमार्फत् नेपाल पठाएको हो ।

सोमबार (१५ जुन) का दिन बिहान आठ बजे नेपालीहरु सलाम यएरमार्फत नेपाल फर्किएका हुन् । नेपाली दूतावास ओमान र ओमानमाा क्रियासिल संघ संस्थाहरुको बिशेष पहलमा स्वदेश फर्कनुपर्ने नेपालीहरुले तोकिएको मापदण्ड अनुरुप कोरोना परीक्षणको रिपोर्टसहित सलाम एयरको भाडा आफैले तिरेका हुन् ।

सोहि अवसरमा नेपाली दूतावास ओमानकी राजदूत शर्मिला पराजुली ढकालले ओमानबाट नेपाल फर्किन लागेका नेपाली दाजुभाइ दिदीबहिनीहरुको सफल यात्रा तथा सुखद जीवनको कामना गरेकी थिइन् भने यात्रुहरुले पनि सहजरुपमा नेपाल फर्कने अवसर जुटाइदिएकोमा दूतावासलाई धन्यवाद दिएका थिए ।

उक्त अवसरमा यात्रुहरुको यात्रा सहजीकरणको लागि दूतावासका द्धितीय सचिव, श्रम सहचारी लगायत कूटनीतिक कर्मचारी, स्थानीय कर्मचारी तथा नेपाली सोसल क्लबका अध्यक्ष लगायत कोभिड १९ व्यवस्थापन स्वयमेसेवी सदस्यहरूको उपस्थिति रहेको थियो ।

ओमानबाट नेपाल फर्कने नेपालीहरुको पहिलो उडान १५ जुन २०२० मा भएको छ भने दोस्रो उडान १८ जुन २०२० मा हुने भएको छ । स्वदेश फर्कनको लागि भाडा प्रतिव्यक्ति ११५ ओमानी रियल तोकिएको छ भने संबन्धित सबैले कोभिड १९ को पिसीआर टेष्टको रिपोर्ट अनुसार फ्लाइट हुने दूतावासले जानकारी दिएको छ ।