हामी सबैकाे संसारन्यूज

४ असार, काठमाण्डौं । नेपालमा पछिल्लो २४ घण्टामा कोरोना संक्रमणबाट ५९ जना निको भएका छन् ।

स्वास्थ्य मन्त्रालयका अनुसार आज निको हुनेमा कर्णाली स्वास्थ्य विज्ञान प्रतिष्ठान जुम्लाबाट ६ पुरुष, महाबु आइसोलेशन सेन्टर दैलेखबाट १ जना पुरुष, सल्कोट आइसोलेशन सेन्टरबाट ३ जना पुरुष, सिम्ता आइसोलेशन सेन्टर सुर्खेतबाट १ पुरुष, नारायणी अस्पताल बीरगन्जबाट रौतहटकी १ महिला साथै पर्साका १ महिला र ६ पुरुष गरी ७ जना डिस्चार्ज भएका छन् ।

मोरङबाट पनि ४० जना डिस्चार्ज
त्यसैगरी मोरङको गोठगाउँमा रहेको पूर्वाञ्चल विश्वविद्यालय मेडिकल कलेजको आइसोलेनमा उपचार गराईरहेका ४० जना आज निको भएर घर फर्किएका छन् ।

२२ देखि २६ जेठमा अस्पतालमा भर्ना भएका उनीहरुमा २ पटकसम्म गरिएको कोरोना परीक्षणमा नेगेटिभ देखिएपछि अस्पतालबाट डिस्चार्ज गरिएको हो ।

संक्रमणबाट मुक्त भइ घर फर्किनेमा सुनसरीका १६ झापाका ११, मोरङका ९ र भोजपुरका ४ जना रहेका छन् भने उनीहरुको उमेर समुह १५ देखि ४७ रहेको छ । आज ४० जना डिस्चार्ज भएसँगै अब ८५ जना संक्रमितको उपचार भइरहेको अस्पतालले जनाएको छ ।

आज निको भएका ५९ जनासँगै नेपालमा कोरोना संक्रमणबाट मुक्त हुनेको संख्या  १२२६ पुगेको छ ।

आज नौ जना कोरोना संक्रमित निको भएर घर फर्किए, निको हुनेको संख्या १,१६७ पुग्यो