Sansar News
८ असार, मुगु । मुगु जिल्लास्थित नेपाली कांग्रेस पार्टी सभापती खड्क बहादुर शाहीले सरकारी कार्यालय, सुरक्षा निकाय, वित्तिय संस्था र पत्रकारहरुलाई सोमबार स्वास्थ्य सामग्र्रीहरु उपलब्ध गराएका छन् ।
कोरोना भाईरसलाई लक्षित गर्दै कार्यालयमा सेवादिने कर्मचारी र सेवा लिने सर्वसाधारणहरुमा नफैलियोस् र सेवाप्रदायक कर्मचारीहरुले यो विषम परिस्थितिमा पनि ढुक्कसंग जनतामा सेवा प्रवाह हो भनेर आफुले कार्यालयहरुलाई पिपिई सेट, थर्मलगन, सेनिटाईजर, मास्क, रोग प्रतिरोधात्मक औषधी सहयोग गरेको पार्टी सभापति शाहीले बताएका छन् ।
सभापती शाहीले लकडाउनका बेला काठमाडौ लगायत देशका प्रमुख शहरहरुमा अलपत्र परेका १ हजार ७ सय ७६ जना सर्वसाधारणहरुलाई राहत सामग्री वितरण गरेका थिए भने भारतबाट नेपाल आउदा नाकामा अलपत्र परेका मुगालीहरुलाई जिल्लामा ल्याउन पहल गरेका थिए ।
औषधीलगायत अन्य सामग्री मुगु जिल्लामा रहेका ४ स्थानीयतहहरु मध्य सोरु गाँउपालिकालाई हस्तान्तरण गरिसकेको र बाँकी स्थानिय तहहरु छायाँनाथ रारा नगरपालिका, खत्याड र मुगुमका र्मारोङ्ग गाँउपालिकालाई निकट दिन मै उपलब्ध गराउने बताएका छन् ।
वि.सं.२०७७ असार ८ सोमवार २०:३५ मा प्रकाशित
