Sansar News
१५ असार, काठमाडौँ । विश्वभरमा कोरोना भाइरसको संक्रमणबाट मुक्त हुनेको संख्या बढ्दै गईरहेको छ । ५५ लाख भन्दा बढिले अहिलेसम्म कोरोना भाइरसलाई पराजित गरिसकेका छन ।
वल्डोमिटरका अनुसार ५५ लाख ६३ हजार ५७ जना कोरोना भाइरसको संक्रमणबाट मुक्त भएर घर फर्केका छन ।
आइतबार मात्र विश्वभरमा कोरोना भाइरसको संक्रमणबाट निको हुनेको संख्या ९५ हजार ४ सय १० रहेको छ ।
विश्वभरमा कोरोना भाइरसबाट संक्रमित हुनेको संख्या १ कारोड २ लाख ५८ हजार १ सय ५१ रहेको छ भने संक्रमणबाट मृत्यु हुनेकोे संख्या ५ लाख ४ हजार ६ सय १३ रहेको छ ।
वि.सं.२०७७ असार १५ सोमवार १४:२८ मा प्रकाशित
