हामी सबैकाे संसारन्यूज

१५ असार, काठमाण्डौं । नेपालमा आज ( १५ असार) सम्म र्यापिड र पिसीआर प्रविधि दुवैबाट ५ लाख २२ हजार २१८ वटा कोरोना भाइरसको नमुना परीक्षण गरिएको छ ।

देशभरी रहेका २२ वटा प्रयोगशालाबाट पछिल्लो २४ घण्टामा दुवै प्रविधिबाट ९,६१३ वटा नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले जानकारी दिएका छन् ।

त्यसैगरी आजसम्म पिसीआर प्रविधिबाट २ लाख २३ हजार ६३० र आरडिटी प्रविधिबाट २ लाख ९६ हजार ५८८ वटा नमुना परीक्षण गरिएको हो । जसमा पछिल्लो २४ घण्टामा ७,७९१ वटा पिसीआर र १८२२ वटा र्यापिड परीक्षण गरिएको छ ।

मन्त्रालयका अनुसार हालसम्म देशका विभिन्न अस्पताल र आइसोलेसन सेन्टरमा १०,०८५ जनाको उपचार भइरहेको छ ।

त्यसैगरी हालसम्म भारत लगायत विभिन्न देश र एक जिल्लाबाट अर्को जिल्लामा पुगेर क्वारेन्टिनमा बस्नेहरुको संख्या ५७,३६८ रहेको छ ।

हालसम्म नेपालमा संक्रमितको संख्या १३,२४८ पुगेको छ भने आज निको भएर १२१ जना डिस्चार्ज भएसँगै नेपालमा हालसम्म ३,१३४ जना कोरोना संक्रमणबाट मुक्त भएका छन् । साथै आज १ जना थपिएसँगै मृतकको संख्या २९रहेको छ ।

आज काठमाण्डौँका ६ सहित ४७६ जनामा कोरोना संक्रमण, संक्रमितको संख्या १३,२४८ पुग्यो

नेपालमा आज (असार १५) ४७६ जनामा कोरोना संक्रमण भएको पुष्टि भएको छ । जसमा ११२ महिला ३६४ पुरुष रहेका छन् ।

आज सबैभन्दा बढी बाजुरामा ९६ जना, डोटीमा ६९ जना, दाङमा ५८ जना, अर्घाखाँचीमा ३८ जना, कैलालीमा ३० जना, पाल्पामा २६ जना र गुल्मीमा २० जना रहेका छन् ।

आज काठमाडौँका ६ सहित ४७६ जनामा कोरोना संक्रमण, संक्रमितको संख्या १३२४८ पुग्यो

त्यसैगरी रौतहटमा १८, सप्तरीमा १५, बाग्लुङमा १४, पर्वतमा १३, तनहुँमा ९, स्याङजामा ८, काठमाडौंमा ६, धनुषामा ६, प्युठानमा ५, गोर्खामा ५ चितवनमा ४, प्युठानमा ४, महोत्तरीमा ४, रुपन्देहीमा ३, बारामा ३, धादिङ, कपिलवस्तु, रुपन्देही, डोल्पा र कालिकोटमा २\२, मोरङ, पर्सा भक्तपुर, ललितपुर, धनकुटा, खोटाङ, रोल्पा, मकवानपुर, काभ्रे र रुकुमपश्चिममा १\१ जना गरी आज ४७६ जनामा संक्रमण पुष्टि भएको छ । जसमा ११२ महिला ३६४ पुरुष रहेका छन् ।

आज थपिएका ४७६ जनासँगै नेपालमा कोरोना संक्रमितको संख्या १३,२४८ पुगेको छ । जसमा १,५८६ महिला र ११,६६२ जना पुरुष रहेका छन् ।

आज १२१ जा कोरोना संक्रमणबाट मुक्त, निको हुनेको संख्या ३१३४ पुग्यो
नेपालमा आज १२१ जनाले कोरोनालाई जितेर घर फर्किएका छन् । आज कोरोना संक्रमणबाट निको भएर अस्पतालबाट डिस्चार्ज हुनेमा १३ महिला र १०८ जना पुरुष रहेका छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा वीपी कोइराला स्वास्थ्य विज्ञान प्रतिष्ठान धरानबाट झापाका १ पुरुष, नारायणी अस्पताल वीरगन्जबाट पर्साका ३ महिला र २० पुरुष गरी २३ जना, अल्पमाइ नर्सिङ इन्स्च्यिुट सर्लाहीबाट १३ पुरुष, कोभिड अस्पताल सपही जनकपुरबाट धनुषाका ३ पुरुष र महेन्द्र गेनाई अस्पताल सिराहाबाट १ महिला र १३ पुरुष गरी १४ जना कोरोना संक्रमणबाट निको भएर घर फर्किएका छन् ।

त्यस्तै पोखरा स्वास्थ्य विज्ञान प्रतिष्ठानबाट १ महिला र १ पुरुष, म्याग्दी अस्पतालबाट ३ पुरुष, पर्वत अस्पतालबाट ३ महिला र ६ पुरुष गरेर ९ जना, स्याङजा अस्पतालबाट ४ महिला र २९ पुरुष गरेर ३३ जना, तनहुँ अस्पतालबाट ५ पुरुष, नुवाकोट अस्पतालबाट २ महिला र ६ पुरुष गरेर ८ जना निको भएर घर फर्किएका छन् ।

त्यस्तै सुशील कोइराला क्यान्सर प्रखर अस्पताल बाँकेबाट २ पुरुष, आर्दश नगर आइसोलेशन सेन्टर बाँकेबाट ३ पुरुष, आइसोलेशन सेन्टर खजुरा बाँकेबाट ३ पुरुष कोरोना संक्रमणबाट मुक्त भएर घर फकिएसँगै आज जम्मा १२१ जना निको भएका छन् । जसमा १३ महिला र १०८ पुरुष रहेकोे मन्त्रालयले जनाएको छ ।

त्यसैगरी आज निको भएका १२१ जनासँगै नेपालमा हालसम्म कोरोना संक्रमणबाट मुक्त हुनेको संख्या ३,१३४ पुगेको छ । जसमा २८६६ पुरुष र २६६ महिला रहेका छन् ।

आज थप १ जनाको मृत्यु, मृतकको संख्या २९ पुग्यो
नेपालमा आज थप १ जनाको कोरोना संक्रमणबाट मृत्यु भएको पुष्टि भएको छ ।

रौतहटका ३० वर्षीय पुरुषको कोरोना संक्रमणबाट असार १३ गते मृत्यु भएको स्वास्थ्य मन्त्रालयले जानकारी दिएको छ ।
मन्त्रालयका अनुसार स्वास्व प्रस्वासमा समस्या भएका कारण असार १३ गते उपचारका लागि स्टार अस्पताल सानेपा आएका उनको आइसीयुमा राखेर उपचार गरिएको थियो ।

१३ गते नै उनमा कोरोना संक्रमण भए\नभएको परीक्षणका लागि श्वाव संकलन गरेर पाटन स्वास्थ्य विज्ञान प्रतिष्ठानमा पठाइएको थियो । उनको सोहिदिन राति ८ बजे उपचारका क्रममा मृत्यु भएको थियो ।

असार १४ गते साँझ कोरोना उनमा संक्रमण भएको नतिजा आएको थियो । उनी ३ महिना देखि फोक्सोको समस्याका कारणले विभिन्न अस्पतालमा उपचार गराइरहेका थिए । उनको शब नेपाली सेनाको टोलीले व्यवस्थापन गरेको पनि मन्त्रालयले जनाएको छ ।

नेपालमा असार १४ सम्मको कोरोना अपडेटः १२७७२ जना संक्रमित, आइसोलेशनमा ९७३१ जना र २८ जनाको मृत्यु