हामी सबैकाे संसारन्यूज

अन्तरिक्षमा शौचालय लामो समयदेखि नै एक मुद्दा भएको छ । सबै यात्रुहरु जो अहिलेसम्म अन्तरिक्ष अभियानमा गएका छन् तिनीहरूले डायपर प्रयोग गरेका छन् । यसको लागि उनीहरूसँग विशेष डायपर बोकेका छन् । यस समस्याको समाधानका लागि नासाले विश्वभरका व्यक्तिहरुबाट आफ्नो धारणा साझा गर्न आग्रह गरेको छ । तपाई जो कोहीले पनि भन्न सक्नुहुन्छ कि कसरी अन्तरिक्षमा वाशरूम निर्माण गर्न सकिन्छ ।

नासाले सामाजिक ‘नेटवर्क’ Herox (HeroX) सँग नयाँ “Lunar Loo”  चुनौतीको लागि साझेदारी गरेको छ । नासालाई यस्तो एक वाशरूमको जरुरत छन् जुन चन्द्र सतहमा कम्तिमा एक हप्ताको लागि काम गरोस् ।

अमेरिकाले सन् २०२४ सम्ममा मानिसहरूलाई चन्द्रमामा लैजान तयारी गरिरहेको छ । तर यो भन्दा पहिले, अमेरिकी अन्तरिक्ष एजेन्सी नासाको अगाडि एउटा ठूलो समस्या वाशरूमको रूपमा खडा छ । नासाको भनाइ छ कि ‘हामीले विश्वव्यापी समुदायलाई हामीलाई पूर्ण सक्षम, कम सामूहिक शौचालयको डिजाइन अवधारणा पठाउन आग्रह गरेका छौं ।’ डिजाईन यस्तो हुनुपर्छ कि यो दुबै अन्तरिक्ष र चन्द्रमा प्रयोग गर्न सकियोस् ।

नासा टोलीका एक सदस्यका अनुसार यस चुनौतीको माध्यमबाट अर्काे दुई महिनामा आउने विभिन्न डिजाइनको सहायताबाट शौचालय निर्माण सम्भव होस् भन्ने चाहन्छन् । यसैकारण आम जनताको सहायताको जरुरत परेको उनको भनाई छ । नासा अन्तरिक्ष शौचालयको बारेमा धेरै गम्भीर भएको बताउँदै उनले भने ‘वैज्ञानिकहरूको संसार बाहिर धेरै कुरा छन् जुन हामी जान्दैनौं, तर जनताले भन्न सक्छ ।’

यो च्यालेन्जका लागि पुरस्कार राशी ३६ हजार डलर छ । अन्तरिक्ष शौचालयको अवधारणा छनौटमा परेका मध्ये ३ वटालाई सो रकम पहिलो, दोस्रो र तेस्रो स्थान घोषणा गरेर पुरस्कृत गरिने बताइएको छ ।

यसका लागि तपाई https://www.herox.com/LunarLoo मा गएर सहभागी हुन सक्नुहुन्छ ।