Logo
७ कार्तिक २०७८, आईतवार
     Sun Oct 24 2021
E-paper
  English Edition
   Unicode
Logo

निर्धारित समयभित्र दुवै पार्टीको तल्लो तहको एकता पूरा गर्ने निर्णय



१२ पुस, काठमाडौँ  । राष्ट्रिय प्रजातन्त्र पार्टीले महाधिवेशनको कार्यतालिकाअनुसार तल्लो तहको एकीकरण प्रक्रियालाई प्रभावकारी रुपमा सञ्चालन गर्ने निर्णय गरेको छ ।

राप्रपा र राप्रपा नेपालबीच एकीकरणपछि पहिलोपटक आज बसेको सचिवालय बैठकले गाउँ, नगर, क्षेत्र, जिल्लालगायत तहमा निर्धारित समय (माघ मसान्त) भित्र दुवै पार्टीको एकता पूरा गर्ने निर्णय गरेको पार्टीका प्रवक्ता राजाराम श्रेष्ठले जानकारी दिनुभयो ।

पार्टीका महामन्त्री टङ्क ढकालको अध्यक्षतामा बसेको सो बैठकले महाधिवेशन प्रभावकारी बनाउन तथा सचिवालय सञ्चालनका लागि चुस्त, व्यवस्थित बनाउन पार्टीका आवश्यक निकायसँग समन्वय र सहकार्य गर्ने निर्णय गरेको छ । यसअघि महामन्त्री ढकालको संयोजकत्वमा २० सदस्यीय सचिवालय गठन गरिएको थियो ।

पार्टीको केन्द्रीय समितिको बैठकले आगामी फागुन ६ देखि ९ गतेसम्म काठमाडौँमा महाधिवेशन गर्ने निर्णय गरिसकेको छ । पार्टीको पदाधिकारी तथा सचिवालय सदस्यबीच चाँडो बैठक बस्ने बताइएको छ । रासस


यो खबर पढेर तपाईलाई कस्तो महसुस भयो ?

काठमाडौं । हाल नेपालको मध्य भाग आसपास अवस्थित न्यून चापिय क्षेत्रको सामान्य प्रभाव रहेको

धन्न पानी र अन्न बिना पानी बिना अन्न मानव जीवन रहन्न । यदि नहुँदो

१. पीडाको कथा मनको व्यथा बलिको प्रथा । २. हाम्रो अक्कल अज्ञानी पशु बध

काठमाडौँ । पूर्वमन्त्री तथा माओवादी नेतृ रेखा शर्मालाई नेकपा (माओवादी केन्द्र)ले राजकीय मामिला तथा