हामी सबैकाे संसारन्यूज

काठमाडौं । करोना भाईरसको माहामारीका कारण सरकारले गरेको लकडाउनका कारण वाणिज्य बैंकहरूमा पैसा थुप्रिएको छ । बैंकहरुमा कर्जाको तुलनामा निक्षेप बढेका कारण यस्तो अबस्था आएको हो ।

अहिले पनि लकडाउन अंशिक रुपमा जारी छ । यो बेला बैंकहरुमा लागानीको तुलनामा निक्षेप लगातार बढीरहेको छ । जानकारहरुका अनुसार आर्थिक बर्षको अन्त्य हुन लागेकोले बिभिन्न ठाउँहरुबाट हुने भुक्तानीका कारण पनि यस्तो अबस्था आएको हो । त्यसका अतिरिक्त मानिसहरुले आगामी आर्थिक बर्षको सुरुमा कस्तो अबस्था आउने हो भनेर हेरीरहेकाले पनि बैंकमा पैसा थुप्रिएको हो ।

लकडाउनको अबधिमा बाणीज्य बैंकहरुमा निक्षेप १ खर्ब १३ अर्ब रुपैयाँले बढेको छ । तर लगानीमा भने ३६ अर्ब रुपैयाँले ह्रास भएको छ । हाल नेपालमा २७ बाणीज्य बैंकहरु छन् ।

बैंकर्स संघका अनुसार गत चैत मसान्तसम्म वाणिज्य बैंकहरुमा ३१ खर्ब ८९ अर्ब रुपैयाँ निक्षेप संकलन भएको थियो । तर गत असार १२ गतेसम्म सो निक्षेप बढेर ३३ खर्ब २ अर्ब रुपैयाँ पुगेको छ । सो रकम १ खर्ब १३ अर्ब रुपैयाँले बढी हो ।

संघका अनुसार बैंकहरुमा निक्षेप अर्बौ रुपैयाँले बढिरहेको छ । चैतको तुलनामा बैंकहरुको निक्षेप संकलन बैशाख मसान्तसम्म २५ अर्ब रुपैयाँ बढी थियो । जेठमा बैशाख मसान्तको तुलनामा निक्षेप ६२ अर्ब रुपैयाँले निक्षेप संकलन भएको थियो ।

असार १२ गतेसम्म बैंकहरुमा अघिल्लो महिना भन्दा २६ अर्ब रुपैयाँ बढी निक्षेप संकलन भएको छ । त्यसरी हेर्दा चैत्रदेखि असारको दोस्रो हप्तासम्म वाणिज्य बैंकहरुमा १ खर्ब १३ अर्ब रुपैयाँले निक्षेप बढेको छ ।

उता बैंकहरुको लगानी भने चैतदेखि असारको दोस्रो हप्तासम्म ३६ अर्ब रुपैयाँले कमी आएको छ । गत चैत्रसम्म बैंकहरुले २८ खर्ब ४५ अर्ब रुपैयाँ लगानी गरेका थिए । तर बैशाख महिना ९ अर्ब रुपैयाँ कम लगानी भएको छ ।

बैंकहरुको लगानी जेठ महिनामा २० अर्ब रुपैयाँ ले घटेको छ । बैशाखसम्म २८ खर्ब ३६ अर्ब रुपैयाँ कर्जा लगानी गरेका बैंकहरुले जेठ मसान्त जम्मा २८ खर्ब १६ अर्ब रुपैयाँ मात्र लगानी गरेका छन् ।

असारको दोस्रो सातासम्म बैंकहरुको लगानी जेठ महिनाको भन्दा ८ अर्ब रुपैयाँले कम छ । यसले के देखाउँटछ भने अब बैंकहरुको व्याजदर अर्थमन्त्री खतिवडाले भने झैं एक अंकमा अउने निस्चित छ ।