हामी सबैकाे संसारन्यूज

१६ असार, काठमाण्डौं । झण्डै ७ महिनादेखि विश्वव्यापी रुपमा फैलिएको कोरोना महामारीका कारण विश्वकै सामाजिक तथा आर्थिक जीवन तहस नहस बनाएको छ ।
केही देशमा मानिसहरु कोरोना कहरबाट विस्तार तंग्रिदै गएको अवस्था छ भने केही देशले अझैपनि संघर्ष गरिरहेका छन् । यसबीचमा मानिसहरु सावधानी अपनाउँदै सामाजिक कार्यहरु पनि सम्पन्न गर्दै आएका छन् ।

संसारका सबै देशका सरकारले कोरोना संक्रमणको महामारी रोक्नका लागि लकडाउनका बीच विभिन्न नियम र अनुशासनमा रहेर जनतालाई दैनिक जीवन चलाउन सहज वातावरण निर्माण गर्दै गएको समेत देखिएको छ ।

यसैबीच भारतमा कोरोना महामारी तिब्ररुपमा फैलिएको अवस्थामा पनि त्यहाँको सरकारले लकडाउन खुकुलो बनाएर दैनिक जीवन सहज बनाउने नीति अंगिकार गरेसँगै भारतीय नागरिकहरु सावधानी अपनाउँदै नियमित काममा पनि लागिपरेका छन् ।

त्यहाँ सरकारले तोकेको मापदण्ड अनुसार विहेलगायतका विभिन्न धार्मिक कार्यलगायत गरिरहेका छन् ।

भारत सरकारले जुन ८ देखि ५० जना पाहुँना बोलाएर विहेलगायतका संस्कार गर्नका लागि अनुमति दिएको छ । त्यसैले पनि विवाहका कार्यक्रमहरु धमाधम भइरहेको देखिन्छ । लकडाउन भन्दा पहिलेको जस्तै मानिसहरु सामान्य जीवनमा फर्किरहेका छन् ।

उनीहरु ५० जनाको अनुमति दिएपनि प्रशासनलाई छलेर विवाहमा धेरै पाहुना बोलाउने गरेका छन् । त्यसरी नै स्थानीय प्रशासनलाइ छलेर सयभन्दा बढी पाहुना बोलाएर गरिएको एउटा विवाहले सबैतिर चर्चा पाएको छ यतिबेला ।

संक्रमित मध्ये केहीले आफूहरुको उक्त विवाह समारोहसँग कुनै सम्बन्ध नरहेको तर विहेमा सहभागीहरु उनीहरुको सम्पर्कमा रहेको बताएका छन् । उनीहरुका अनुसार संक्रमणको लहरो यति लामो भयो कि, जसमा फोटोग्राफर, स्थानीय किराना पसले, तरकारी बिक्रेतालगयत समेत संक्रमित भएको पाईएको छ ।

भारतको पटनास्थित पालीगन्जमा भएको उक्त विवाह समारोहमा सहभागी भएका तथा उनीहरुको सम्पर्कमा आएकाहरु मध्ये १११ जनामा कोरोना संक्रमण भएको पाइएको छ । अझै दुःख लाग्दो कुरा त बिहे भएको दुईदिनमै वेहुलाको मृत्यु समेत भएको छ ।

पटनाका स्थानीय संचारमाध्यमले मंगलबार जनाए अनुसार उक्त विवाह अहिले भारतभरि नै चर्चामा आएको छ । संक्रमित भेटिएका १११ जनामध्ये कोही सोहि ठाउँमा बस्ने रहेका छन् भने कोही विहे समारोहमा सहभागी भएकाहरु छन् । हाल संक्रमित सबैलाई पालीगन्जको विहटास्थित ईएसआइसी अस्पतालको आइसोलेशनमा राखेर उपचार गरिएको छ ।

संक्रमित मध्ये केहीले आफूहरुको उक्त विवाह समारोहसँग कुनै सम्बन्ध नरहेको तर विहेमा सहभागीहरु उनीहरुको सम्पर्कमा रहेको बताएका छन् । उनीहरुका अनुसार संक्रमणको लहरो यति लामो भयो कि, जसमा फोटोग्राफर, स्थानीय किराना पसले, तरकारी बिक्रेतालगयत समेत संक्रमित भएको पाईएको छ ।

१५ जुनमा भएको उक्त विवाह समारोहको २ दिनपछि बेहुलाको मृत्यु भएको थियो । अन्य कुनै समस्या नभएको बेहुलाले सुरुमा पेट दुख्यो भनेपछि परिवारले उनलाई पटनाको एम्स अस्पतालमा पुर्याएको थियो । तर, अस्पतालको गेटमा पुगेर ड्राइभरले गाडी रोक्नासाथ छोराको मृत्यु भएको उनका वुवाले वीवीसीलाई बताएका छन् ।
‘हामीले बेहोस छोरालाई अस्पताभित्र लग्यौ, तत्कालै डाक्टरहरुले छोरालाई मृत घोषणा गरिदिए ।’

कोरोना संक्रमणको सिकार भएका बेहुलाका पिता यतिबेला अस्पतालको आइसोलेशनमा भर्ना भएर उपचार गराइरहेका छन् ।

जब बेहुलाको मृत्यु भयो, त्यसपछि स्थानीयहरु डराउन थाले । उनीहरु आफैले मेडिकल टिम बोलाएर आफूमा कोरोना संक्रमण भए\नभएको परीक्षण गराउन थाले । तब २२ जुनमा १५ जनामा कोरोना संक्रमण भएको पुष्टि भयो । पछि अन्य मानिसहरुमा पनि परीक्षण गर्ने क्रममा हालसम्म १११ जनामा कोरोना संक्रमण पुष्टि भएको छ । तर, अझैपनि उनीहरुको सम्पर्कमा आएकाहरुको परीक्षण गरेर नसकिएको बताइएको छ ।

हाल स्थानीय प्रशासनले उक्त क्षेत्रलाई कोरोनाबाट अति प्रभावित क्षेत्र घोषणा गरिएको बताइएको छ ।