हामी सबैकाे संसारन्यूज

काठमाडौं । सत्तारुढ नेकपाभित्र प्रधानमन्त्री एंव पार्टी अध्यक्ष केपि शर्मा ओलीविरुद्व दुई तिहाई सदस्य एकजुट भएका छन् । ललितपुरको झम्सीखेलस्थीत एक रेष्टुरेण्टमा बुधबार साँझ भएको भेलासँगै स्थायी समितिका ३० सदस्य ओलीविरुद्व एकजुट भएका हुन् ।

३० स्थायी समितिको भेलाले प्रधानमन्त्री एंव पार्टी अध्यक्ष ओलीसँग दुवै पदबाट राजीनामा माग्ने निर्णय पनि गरेको छ । भेलामा पार्टीका कार्यकारी अध्यक्ष पुष्पकमल दाहाल ‘प्रचण्ड’, वरिष्ठ नेताद्वय झलनाथ खनाल र माधवकुमार नेपाल, नेताहरु बामदेव गौतम, नारायणकाजी श्रेष्ठ, रामबहादुर थापा ‘बादल’सहित ३० स्थायी समिति सदस्यको सहभागिता थियो । नेकपामा स्थायी समितिको संख्या ४५ रहेको छ ।

भेलामा सहभागि एक नेताका अनुसार भेलामा पर्यटनमन्त्री योगेश भट्टराई बाहेकका सरकारमा सहभागी प्रचण्ड र नेपाल निकटका सबै मन्त्रीहरु सहभागि भएका थिए । उनका अनुसार मन्त्री भट्टराई आकस्मिक अन्य कार्यक्रमका कारण सहभागि भएनन् ।

यी हुन् भेलामा सहभागी स्थायी समिति ३० सदस्यहरु

पुष्पकमल दाहाल प्रचण्ड, माधवकुमार नेपाल, झलनाथ खनाल, बामदेव गौतम, रामबहादुर थापा बादल, नारायणकाजी श्रेष्ठ, युवराज ज्ञवाली, लीलामणि पोखरेल, रघुजी पन्त, देवेन्द्र पौडेल, मणि थापा, गणेश साह, चक्रपाणि खनाल, सुरेन्द्र पाण्डे, गोकर्ण विष्ट, मात्रिका यादव, मुकुन्द न्यौपाने, देव गुरुङ, वर्षमान पुन, भीम रावल, शक्ति बस्नेत, जनार्दन शर्मा, टोपबहादुर रायमाझी, भीम आचार्य, वेदुराम भुसाल, हरिबोल गजुरेल, अष्टलक्ष्मी शाक्य, पम्फा भुसाल, गिरिराजमणि पोखरेल र घनश्याम भुसाल ।