हामी सबैकाे संसारन्यूज

वलिउड नायक सुशान्त सिंहले आत्महत्या गरेपछि उनीसँगै ‘दिल बेचारा’ फिल्ममा खेलेकी कलाकार संजना अधिकारी बुधबार मुम्बई छोडेर दिल्ली फर्किएकी छन् ।

साथै उनले यो पनि संकेत गरेकी छन् कि, उनी अब मुम्बई फर्किने छैनन् । उनले बुधबार दिल्लीका लागि प्लेन चढ्न भन्दा पहिले यो कुराको संकेत गरेकी हुन् ।

दिल्ली उड्न लागेकी उनले मुम्बई इन्टरनेशनल एयरपोर्ट टर्मिनल २ बाट सामाजिक संजालमा लेखेकी छन्, ‘मुम्बईको बारेमा मैले जे सुनेकी थिए, त्यस्तो रहेनछ ।’
संजनाले बुधबार आफ्नो इन्स्ट्राग्राममा स्टोरी लेख्दै भनेकी छन् ‘अलविदा मुम्बई, ४ महिनापछि तिम्रो दर्शन भयो । म दिल्ली फर्किन लागे । तिम्रो सडक अर्कै लाग्यो । सुनसान थियो । सायद मेरो मनमा जुन दुःख छ त्यसका कारण पनि हेर्ने नजर परिवर्तन भएको छ । शायद तिमी पनि यतिबेला दुःखमा छौं । मिल्ने छौं छिट्टै, सायद नमिल्न पनि सक्छौं ।’ उनको यो स्टाटसले छिट्टै मुम्बई फर्किन पनि सक्ने र कहिल्यै नफर्किने भन्ने कुरा जनाउँछ ।

अभिनेता सिंहको आत्महत्या बारे प्रहरीले हालसम्म ३० जनासँग सोधपुछ गरिसकेको छ । तर अहिलेसम्म त्यस्तो कुनै ठोस कुरा बाहिर आएको छैन । प्रहरीले मंगलबार ७ घण्टासम्म संजनासँग पनि सोधपुछ गरेको थियो ।

२०१८ मा चलेको ‘मी टू अभियान’ का बेला संजनाले सुशान्त सिंहमाथि आफूलाई जिस्क्याएको आरोप लगाएकी थिइन् भने सुसान्तले यस कुरालाई इन्कार गरेका थिए । पछि संजनाले सुशान्तमाथि लगाएको आरोप गलत बताएकी थिइन् । यहि विषयलाई मध्येनजर गर्दै प्रहरीले उनीसँग सोधपुछ गरिएको बताईको छ ।

यसैबीच संजनाले आफू र सुशान्त अभिनित फिल्म ‘दिल बेचारा’ लाई डिजिटलमार्फत् रिलिज गर्ने विषयमा यसको विरोध नगर्न अपिल गरेकी छन् । उनले इन्स्टाग्राममा म्यासेज गर्दै यस्तो अपिल गरेकी हुन् । उनले भनेकी छन् ‘सुशान्तलाई एकपटक फेरि स्क्रीनमा देख्ने चाहनाले मेरो मन छोएको छ । फिल्मका पूरै टिमले साढे २ वर्ष यसका लागि खुब पसिना बगाएका छन् । मलाई आसा छ कि, तपाईहरुलाई फिल्म मन पर्नेछ ।’