हामी सबैकाे संसारन्यूज

१८ असार, श्रीनगर । भारत अधिनस्थ क्षेत्र जम्मु काश्मिरको सोपीयाका अवरार रेयाज सोफी, २४ वर्षीय एक युवकको उपचारमा भएको लापरवाहीका कारण ज्यान गएको छ ।

ती युवक सेन्ट्रल युनिभर्सिटी अफ काश्मिरमा बीए. एलएलबी अध्ययन गरिरहेका थिए । उनीे आठौँ सेमेष्टरका विद्यार्थी थिए । २७ जुनमा कारमा आफ्नो बाबा तथा अंकलको साथ एसके इन्ष्टिच्युट अफ मिडिया साइन्सेज गएका थिए । त्यहाँबाट फर्कने क्रममा उनीहरुको कारलाई एक ट्रकले ठक्कर दिँदा उनका अंकलको अस्पताल नपु¥याउँदै मृत्यु भयो, उनका पिताको शरीरमा विभिन्न ठाउँमा चोट पुग्दा बेहोस भए भने अबरार पनि सक्त घाइते भए । उनको अवस्था यति जटिल थियो की उनलाई सिधै श्रीनगरको एक अस्पतालको भेन्टिलेटरमा सिफ्ट गरियो ।

अबरारको जब सिटी स्क्यान भयो, तब उनलाई बान्ता हुन सुरु गर्यो । यसकारण उनको स्वास नलीमा खाना पुग्यो । त्यसपछि उनलाई आईसीयुमा पठाइएको उनका एक परिचित शिक्षकले बताए । अबरार आफ्नो विद्यार्थी भएको र उनको दुर्घटना भएको आफूले फेसबुकबाट थाहा पाएको उनले बताए । अस्पतालमा डाक्टरले अबरारको अवस्था अत्यन्त खराब रहेको बताए ।

उनको ब्रेनमा ठूलो चोट आएको थियो । उनको गम्भिर अवस्था रहेपनि यद्यपी उनको शरीरमा सुधार आएको सुधार नै एउटा आशा थियो । सोमबार उनको कोरोना भाइरसको सेम्पल लिइयो । जब दिउँसो फोनबाट उनमा कोरोना भाइरस पोजेटिभ भएको खबर आयो । तर रिपोर्ट या आधिकारीक खबर भने आएको थियो ।

रिपोर्टले बदल्दियो उनको उपचारको प्राथमिकता
कोरोना पोजेटिभको रिपोर्ट आएलगत्तै अस्पतालले उनको उपचारलाई प्राथमिकतामा राखेन । डाक्टरका टिम जो यसअघि उनलाई ठिक गर्न कोशिसमा थिए, उनीहरुले नै अबरारलाई कुनै कोभिड अस्पतालमा पठाउने तयारीमा लागे । सोमबार साँझ अबरारको थप एक सिटी स्कयान गर्नु पर्ने थियो तर कोरोनो पोजेटिभ आएपछि स्क्यान गर्नुपर्ने कुराको वास्ता गरिएन । डाक्टरहरु उपचार गर्नु भन्दा पनि कुनै कोरोना अस्पतालमा छिटोभन्दा छिटो पठाउन चाहन्थे ।

परिवारले उपचारका लागि अनुरोध गर्दा पनि अस्पतालले उपचार गर्नुभन्दा अर्को चेस्ट डिजीज अस्पताल पठाउने तयारी गरियो । सो सरकारी अस्पतालमा खोकी, चिसो लागेकाहरुको मात्र उपचार हुन्छ, जहाँ क्रिटिकल केयर युनिट छैन । ट्रमा कयर त हुने नै भएन ।

आफूहरुले डाक्टरलाई एसके इन्टीच्यूट अफ मेडिकल साइन्समा पठाउन आग्रह गर्दा त्यहाँ भेन्टिलेटर नभएको भनियो । जबकी इन्स्टीच्यूटमा कोरोना भाइरसको उपचार न्यूरो सर्जरीको उपचार पनि राम्रो हुन्थ्यो । धेरै आग्रह पछि सो अस्पतालले रातमा त्यहि राखि बिहानै अन्त अस्पतालमा पठाउने बताए । तर राती आठ बजेतिरै उनलाई सिडी अस्पताल पठाउने पुरा तयारी गरियो ।

आश्चर्यको कुरा यो थियो की दुई अस्पतालबीच यसअघि कुनै कुराकानी भएकोथियो । रातको दश बजेसम्म अबरार कोरोना पोजेटिभ हुन् की होइनन् भन्ने कन्फर्म गरिएन । केही छिनपछि आएको फोनले उनी कोरोना भाइरस पोजेटिभ भएको खबर आएपछि मात्र उनलाई अस्पताल भर्ना गरियो ।

अस्पतालले कोरोना पोजेटिभ भने पनि परिवारलाई यसबारेमा कुनै जानकारी थिएन । उनीहरु पुनः कोरोना टेस्ट गर्न चाहन्थे । यसअघिको टेस्टको आधिकारीक रिपोर्ट न उनीहरुले पाएका थिएनन् । अस्पताल तथा प्राइभेट अस्पतालले पनि उनको पुनः कोरोना परीक्षण गर्न इन्कार गरेका थिए । सीडी अस्पतालमा कुनै न्युरो सर्जन थिएन । केही जुटिएर एनेस्थिसियोलजिस्ट मात्र थिए । यसैबीच अबरारको अक्सिजन लेबल कम भयो र उनको मृत्यु भयो । अस्पतालले ३ घण्टापछि लास परिवारलाई दियो, तर उनको मृत्यु कार्डिएक अट्याक भएको बताइयो । अबरारमा कोरोना पोजेटिभ थियो या थिएन भन्ने उनको परिवारलाई कुनै जानकारी पाएन । जुन तरिकाले उनको उपचार भयो त्यसप्रति उपचारका विषयमा सवाल उठाएको छ । परिवारले न्याय चाहेको छ । (एजेन्सी)