हामी सबैकाे संसारन्यूज

१९ असार, काठमाडौं । एनआईसि एसिया बैंकले जम्मा ८.२५ प्रतिशतमा कर्जा उपलब्ध गराउने घोषणा गरेको छ । उक्त बैंकले जम्मा ०.२५ प्रतिशत प्रशासनिक खर्चमा नै कर्जा उपलब्ध गराउने घोषणा गरेको हो ।

कुनै पनि बैंकले कर्जा प्रबाह गर्दा ब्याजको आधार दरको आधारमा गणना गर्ने गर्दछन । उक्त बैंकको असार महिनाको आधार दर ८.२५ प्रतिशत रहेको छ ।

बैंकले सुपर चमत्कारिक घर कर्जा, सुपर चमत्कारिक सवारी कर्जा र सुपर चमत्कारिक व्यवसाय कर्जा उपलब्ध गराउने छ भने सो ब्याजदर एक वर्षसम्म परिवर्तन नहुने व्यवस्था गरेको जनाएको छ ।

बैक तथा बित्तिय संस्थाहरुमा लगानी योग्य रकम थुप्रिए तरलता व्यवस्थापनमा नै धौ धौ भएको खबर सार्बजनिक भैरहँदा बैकहरुले व्याजदर घटाउन सूरुवात गरेका छन ।