हामी सबैकाे संसारन्यूज

२२ असार, काठमाण्डौं । पछिल्लो तीन महिनायता नेपालमा आत्महत्या गर्नेको संख्या बढ्दै गएको छ ।

पछिल्लो एकहप्तामा २ महिलाले आत्महत्या गर्दा फेसबुकमा लाइभ गर्दै आत्महत्या गरेकोमा स्वास्थ्य तथा जनसंख्या मन्त्रालयले ध्यानाकर्षण भएको जनाएको छ ।

मन्त्रालयले सोमबारको पत्रकार सम्मेलनमा उक्त घटनाप्रति मन्त्रालयको ध्यानाकर्षण भएको जनाउँदै आत्महत्याका यस्ता भिडियोले आत्महत्यालाई अझ बढी प्रेरित गर्ते समेत मन्त्रालयले बताएको छ । साथै बालबालिकाको दिमागमा नकरात्मक असर पर्ने भएकोले यस्ता भिडियो कसैले पनि सेयर नगर्न र देख्दासाथ फेसबुकलाई तत्काल रिर्पोट गर्न समेत मन्त्रालयले अनुरोध गरेको छ ।

‘समस्याहरु तपाईले मात्र भोग्नु भएको होइन, अन्यले पनि भोगेका छन् र आज ज्युँदै छन्,’ मन्त्रालयका प्रवक्ता डा. जागेश्वर गौतमले भने, ‘तर्सथ तपाई हामी मिलेर नै समस्याको समाधान गर्ने हो । परिवारको विश्वासीलो सदस्यलाई आफ्ना पीडाबारे बताउनुहोस् । सल्लाह गर्नुहोस् । तपाई यो समस्याबाट मुक्त हुन सक्नुहुनेछ ।
मन्त्रालयलका अनुसार विश्वमा हरेक ४० सेकेण्डमा १ व्यक्तिले आत्महत्या गरेको तथ्यांक रहेको छ ।