हामी सबैकाे संसारन्यूज

आत्महत्या गरेका वलिउड अभिनेता शुसान्त सिंह राजपूत अभिनित अन्तिम फिल्म ‘दिल बेचारा’ को ट्रेलर सोमबार सार्वजनिक गरिएको छ ।

अंग्रेजी उपन्यास ‘द इन आवर स्टार्स’ मा आधारीत रहेको उक्त फिल्म दिल बेचारा २४ जुलाईमा सार्वजनिक गर्न लागिएको बताइएको छ । सोमबार युट्युवमार्फत सार्वजनिक गरिएको उक्त फिल्मको ट्रेलर २० घण्टामै साढे २ करोड पटक हेरिएको थियो ।

साढे २ मिनेटको उक्त ट्रेलरमा क्यान्सर पीडितको भूमिका निभाएकी अभिनेत्री संजना साँघीको पीडा कमगर्न तथा उनलाई खुसी राख्नका लागि उनले हरेक प्रयत्न गरेको देखाइएको छ ।

दिल बेचारा फिल्म डाइरेक्टर मुकेश छावडाको पहिलो फिल्म हो । २९ नोभेम्बरमा रिलिज हुने भनिएको उक्त फिल्म कारणबश रिलिजगर्न नसकिएको बताइएको थियो । पछि ८ मईमा सार्वजनिक गर्ने भनिएपनि कोरोना भाइरसको प्रकोपका कारण गरिएको लकडाउनले पुनः रिलिज हुनबाट रोकिएको थियो ।

लकडाउनकै बीच १४ जुनमा शुसान्त सिंहले आत्महत्या गरेका थिए । उनी अभिनित अन्तिम चलचित्र हेर्नका लागि धेरै युवाहरु पर्खाइमा रहेका छन् ।