हामी सबैकाे संसारन्यूज

काठमाडौं । शिक्षा, विज्ञान तथा प्रविधि मन्त्रालयले अनलाईन कक्षा सुचारु गर्न निजि विद्यालयलाई अनुरोध गरेको छ । आइतबार एक प्रेस विज्ञप्ती जारी गर्दै मन्त्रालयले स्थगन गरिएको अनलाईन कक्षालाई निरन्तरता दिन अनुरोध गरेको हो ।

मन्त्रालयले कोरोना महामारीले उत्पन्न परिस्थितिमा समस्यामा परेका निजि विद्यायलको समस्याको ठोस निरुपण गर्ने गरि पनि प्रयत्न भईरहेको पनि जनाएको छ । साथै मन्त्रालयले मौद्रिक नीतिमार्फत पनि केही विषय सम्बोधन गरिएको स्मरण गराएको छ ।

मन्त्रालयद्वारा जारी विज्ञप्तिमा भनिएको छ, ‘मौद्रिक नीतिमा शिक्षा लगायतका व्यवसायीले लिएको ऋणको साँवा र व्याज बन्दाबन्दीको अवधिमा भुक्तानी गर्न कठिनाई भएको अवस्थालाई दृष्टिगत गरी कर्जा भुक्तानीको म्याद थप र कर्जा पुनर्संरचना तथा पुनरतालिकीकरण गर्ने व्यवस्था गरिएको विषय पनि यस सन्दर्भमा स्मरणीय छ ।’

निजि तथा संस्थागत विद्यालय अर्गनाइजेसन (प्याब्सन) र एनप्याब्सनले आफुँहरुको माग पुरा नभएको भन्दै साउन १ देखि अनलाइन कक्षा बन्द गराउँदै शिक्षक तथा कर्मचारीलाई बेतलवी बिदामा राख्ने घोषणा गरेका थिए । तर शिक्षक युनियनको आन्दोलनसँगै शिक्षक तथा कर्मचारीलाई बेतलबी विदामा राख्ने निर्णय फिर्ता लिएपनि अनलाईन कक्षा सुचारु गर्ने बारे भने केहि बोलेका छैनन् ।

यस्ताे छ शिक्षा मन्त्रालयद्वारा जारी विज्ञप्ति