हामी सबैकाे संसारन्यूज

५ साउन, काठमाडौँ । केही दिनयता देशैभर अविरल झरी परिरहेको छ । वर्षातको समयमा सडक चिप्लो हुने हुँदा दुर्घटना हुने सम्भावना बढी हुन्छ । त्यसैले सवारी साधन चलाउँदा सर्तकता अपनाउनु पर्दछ ।

महानगरीय ट्राफिक प्रहरी महाशाखाले वर्षातमा सवारी चलाउँदा अपनाउनु पर्ने केही सुरक्षा उपाहरु सुझाएको छ ।

– सवारी साधन चलाउनु अघि वाइपर र हेडलाइट जाँच गर्नुहोस्, किनकी भिजिबल कम भएको खण्डमा हेडलाइटको प्रयोग गर्नुपर्छ ।

– सवारीको गती कम गर्नुहोस् किनकी पानीको भिजेको सडकमा ब्रेक कम लाग्न सक्छ र सवारी साधन अनियन्त्रित हुन सक्छ ।

– ब्राक्रिङ दुरी बढाउनुहोस् किनकी सामुन्नेको सवारी साधन र आफ्नो सवारी साधन बीचको दुरी सामान्य अवस्थाभन्दा बढी राख्नुपर्छ ।

– सडकबाट ध्यान मोडिने कार्य नगर्नुहोस्, जस्तो सवारी चलाउँदा मोबाइल फोन वा ट्याबलेटको प्रयोग गर्नु हुँदैन ।