हामी सबैकाे संसारन्यूज

५ साउन, नुवाकोट । जिल्ला प्रशासन कार्यालय नुवाकोटले स्थानीय तह वा वडा कार्यालयबाट जिल्ला प्रशासन कार्यालयमा सिफारिस भै आएको विषयमा जिल्ला प्रशासन कार्यालयबाट सेवा लिंदा थप निवेदन दिनु नपर्ने जनाएको छ ।

सेवाग्राही जनसमुदायको सुविधा र हितलाई मध्यनजर गर्दै सरल र सहज रुपमा सेवा प्रदान गर्ने उदेश्यले यस कार्यालयले स्थानीय तह वा वडा कार्यालयबाट सिफारिस भै आएको विषयमा कार्यालयबाट सेवा लिन थप निवेदन दिइरहनु नपर्ने वा निवेदन आवश्यक नपर्ने व्यवस्था गरिएको प्रमुख जिल्ला अधिकार झंकनाथ ढकालले जानकारी दिएका छन् ।

स्थानीय तह वा वडा कार्यालयबाट सिफारिस लिइ यस कार्यालयमा सेवा लिन आउने सेवाग्राहीहरुले हुलाक टिकट र स्थानीय तह वा वडा कार्यालयको सिफारिस लिइ सिधै कार्यालयको प्रशासन शाखा वा सम्बन्धित शाखामा सम्पर्क गर्न अनुरोध गरिएको छ ।

साथै पालो पर्खी सेवा लिने बानी बसाल्न तथा कानून र प्रकृयाको पालना गर्न अनुरोध गर्दै उनले सामाजिक र भौतिक दूरी कायम गर्न, मास्क लगाउन र सेनिटाइजर प्रयोग गरी कोरोनाको जोखिम कम गर्न पनि अनुृरोध गरेका छन् ।

३ उक्त सूचना सम्पूर्ण जनसमुदायसम्म पुर्‍याइदिनु हुन अनुरोध छ ।