हामी सबैकाे संसारन्यूज

काठमाडौं । युवा युवतीको रोजाईमा परेको अफरिङ ह्यापिनेस कम्पनी कारबाहीमा परेको छ । वाणिज्य आपुर्ति तथा उपभोक्ता संरक्षण विभागले दर्ता नगरी व्यवसाय चलाएको कारण अफरिङ ह्यापिनेस कम्पनीलाई कारबाही गरेको हो ।

विभागले जनाएअनुसार कम्पनीमाथि उपभोक्ता संरक्षण ऐन २०७५ बमोजिम जरिवाना तथा कारबाही गरिएको छ । कम्पनीमाथि ऐनका दफा (२०)(२) बमोजिम अनुचित व्यापारिक क्रियाकलाप गरेकोले ऐनको दफा ३९ (घ) अनुसार ५० हजार जरिवाना र अन्य कारबाही गरिएको विभागले जनाएको छ ।

अफरिङ ह्यापिनेस कम्पनी पछिल्लो पुस्ताका युवाहरुको बीचमा रुचाएको कम्पनी हो । कम्पनीले ग्राहकको चाहनाअनुसार विशेष अवसरमा ‘सरप्राईज सेलिव्रेसन’ गर्ने गर्दछ । कम्पनीले जन्मदिन, विवाहउत्सवलगायतका विशेष अवसरमा कम्पनीले सरप्राईज सेलिव्रेसन दिने गर्दछ ।

३ वर्ष अगाडि स्थापना भएको यो कम्पनी पछिल्लो पुस्ताका बीचमा निकै रोजाइमा परेको थियो । तर कानूनअनुसार दर्ता नगरीको कारण कम्पनीमाथि धेरै प्रश्न उठेको थियो ।