हामी सबैकाे संसारन्यूज

७ असार, काठमाडौं । कोरोना भाईरसको माहामारीका कारण गत चैत्र ११ गतेदेखि सरकारले गरेको लकडाउनका कारण अस्तब्यस्त बनेको होटल क्षेत्र लकडाउन हटेसंगै बौरिएको छ । बुधबार यसको प्रभाब सेयर बजारमा देखियो । बुधबार समग्रमा सेयरबजार परिसूचक नेप्से दोहोरो अंकले ओरालो लागे पनि होटल क्षेत्रको परिसूचकमा भने उच्च अंकको बृद्धि देखिएको छ ।

अघिल्लो दिनको तुलनामा समग्र परिसूचक १७.५ अंकले घटेर १४३२.४४ बिन्दुमा कायम भएको छ । त्यस्तै ठूला कम्पनिहरुको कारोबार मापक सेन्सेटिभ पनि ३.९ अंकले ओरालो लागेर ३०३.१४ बिन्दुमा कायम भएको छ । परिसूचक घटेपनि कारोबार भने उल्लेख्य भएको नेप्सेले जनाएको छ ।

आज सूचिकृत मध्ये कूल १८३ कम्पनीका १ अर्ब ५३ करोड २५ लाख ११ हजार ७१६ रुपैंयाँ बराबरका ३५ लाख ८६ हजार कित्ता सेयर किनबेच भएको छ ।

जम्मा १२ वटा कम्पनी उपसूचक समूहको कारोबारमा होटल र सामूहिक लगानीकोष बाहेक सबै १० वटै कम्पनी उपसूचक समुहको परिसूचक ओरालो लागेको छ । होटल समूहको परिसूचक भने अघिल्लो दिनको तुलनामा १३४.४५ अंकले उकालो लागेर १६३०.८० बिन्दुमा पुग्यो भने सामूहिक लगानी कोषको परिसूचकमा भने सामान्य बृद्धि देखिएको छ ।

कारोबार रकमको आधारमा एनआईसि एसिया लघुबित्त(रु.१,८१,५८४,८२१), नेपाल पुनर्बीमा कम्पनी(रु.१,६२,३७६,२६७), नेपाल लाईफ(९९,२६९,६५५) लगायत शिर्ष स्थानमा रहे भने करोबार संख्याको आधारमा नेपाल पूनर्बीमा कम्पनी (३०१,६६३), एनआईसि एसिया लघुबित्त(२२१,८२६), एनएमबी बैंक (१८७,८८७) शिर्ष स्थानमा रहे ।

त्यस्तै लेनदेनको आधारमा एनआईसि एसिया लघुबित्त,(१८६४५) नेपाल पुनर्बीमा कम्पनी(४२७४),एनएमबी बैंक(६९४) शिर्ष स्थानमा रहेको नेप्सेले जनाएको छ ।

आज एनआईसि एसिया लघुबित्त(४९), शिखर ईन्स्योरेन्स (३९), ओरियन्टल होटल(३३) लगायतकका लगानीकर्ताहरुले मनग्ये कमाउँदा नेपाल सेवा लघुबित्त (७२), मिथिला लघुबित्त(४५), नेपाल पूनर्बीमा कम्पनी(२२) लगायतका लगनीकर्ताले उल्लेख्य गुमाएका छन ।