हामी सबैकाे संसारन्यूज

काठमाडौं । सत्तारुढ नेकपाका कार्यकारी अध्यक्ष पुष्पकमल दाहाल ‘प्रचण्ड’ले अर्का अध्यक्ष केपी शर्मा ओलीकै सहभागितामा नेकपा एमाले दर्ता भएको दाबी गरेका छन् । पुष्पलाल स्मृति दिवसको अवसरमा शुक्रबार काठमाडौंमा आयोजित कार्यक्रमलाई सम्बोधन गर्दै उनले अर्का अध्यक्षले पार्टी दर्ता गराएको र नेकपा संकटमा रहेको खुलाएका हुन् ।

अध्यक्ष प्रचण्डले नेकपा ठिकठाक अवस्थामा नरहेको बताए । “मैंले सार्वजनिक रुपमा पहिला पनि भनेको छु, यहाँ पार्टी संकटमा छ, साँचो कुरा अहिले ठिकठाक छ भनेर मैंले भनें भने त्यो सत्य होइन्, पार्टी संकटमा छ”, अध्यक्ष प्रचण्डले भने, “किनकी हाम्रो पार्टीको बैठक चल्दाचल्दै निर्वाचन आयोगमा नेकपा एमालेको नाममा पार्टी दर्ताको प्रक्रिया हाम्रो अर्को अध्यक्षको समेत सक्रियता र पहलमा भएको छ, त्यसकारण यसले संकटलाई व्यक्त गरेकै छ ।”

पार्टी दर्ता गरेर देशभरी कार्यकर्तालाई नाराजुलुसमा उर्तार्ने कोशिस भएको प्रचण्डको भनाई छ । उनले केन्द्रमा पार्टी एकता सुद्धढ गराउने प्रयास भईरहँदा जिल्ला जिल्लामा भने मुर्दावाद र जिन्दावादको नारा लगाउने खेल भएको बताए ।

“यो तपाईंहरुले देखिरहनु भएको छ, सबैले देखेकै कुरा हो, अहिले देशभरी केहि कार्यकर्तालाई नाराजुलुसमा लगाउने कोशिस भएको छ” प्रचण्डले भने, “तपाईंहरुले देख्नुभएकै छ, मुर्दावाद र जिन्दावादका नारा हामी पार्टीमा छलफल गरिरहेका छौं, हामी पार्टीलाई कसरी एकतावद्ध गर्ने, कसरी पार्टीलाई गति दिने हामी केन्द्रित भएर छलफल गर्दैछौं तर देशभरी जुलुस भएको छ ।”

प्रचण्डकाे पुर्णँ भनाइ भिडियाेमा