हामी सबैकाे संसारन्यूज

काठमाडौं । कोरोना भाइरस संक्रमितको लागि खरिद गरिएको स्वास्थ्य सामाग्रीमा व्यापक अनिमितता भएको भन्दै अख्तियार दुरुपयोग अनुसन्धान आयोगमा उजुरी परेको छ । ‘इनफ इज इनफ’ अभियानका ५० जना अभियन्ताले रक्षामन्त्री ईश्वर पोखरेल, अर्थमन्त्री डा. युवराज खतिवडा र स्वास्थ्यमन्त्री भानुभक्त ढकालसहित केहि कर्मचारीमाथि छानविनको माग गर्दैै उजुरी गरेका हुन् ।

उजुरीमा चीनबाट स्वास्थ्य साम्रागी तथा उपकरण खरिद गर्दा ओम्नी समुहलाई दिइएको ठेक्कामा अनियमितता भएको भन्दै ठेक्का प्रक्रियामाथि अनुसन्धानको माग गरिएको छ । उजुरीमा संलग्न सबैमाथि छानविन गर्न माग गरिएको छ ।

उजुरीमा प्रधानमन्त्रीका राजनीतिक सल्लाहकार विष्णु रिमाललाई पनि छानविन गर्न माग गरिएको छ । खरिद प्रक्रियामा स्वास्थ्य सचिव, स्वास्थ्य सेवा विभाग प्रमुख र सल्लाहकारको समेत मिलेमतोको आशंका गरिएको छ ।

खरिद प्रक्रियामा अर्थमन्त्रालयले कुनै प्रकारको अनुगमन नगरेको र भ्रष्टाचारलाई प्रोत्साहन गरेको भन्दै अर्थमन्त्री खतिवडामाथि पनि अनुसन्धान गर्न माग गरिएको छ ।

स्वास्थ्य सामाग्री खरिदमा अनियमितता भएको भन्दै यसअघि पनि अख्तियारमा उजुरी परेको थियो । इनफ इज इफ नामको समुहले यसअघि पनि स्वास्थ्यमन्त्री र रक्षामन्त्रीमाथि अनुसन्धान गर्न माग गर्दै रिट दायर गरेको थियो । यसैगरि उक्त प्रक्रियामाथि प्रश्न उठाउँदै साझा पार्टीका बागमती प्रदेश सांसद रमेश पौडेलले पनि उजुरी दायर गरेका थिए ।

उजुरी आए मन्त्री र सचिवलाई पनि छोड्दैनौं : अख्तियार प्रमुख

यसैबीच अख्तियार दुरुपयोग अनुसन्धान आयोगका प्रमुख आयुक्त नवीनकुमार घिमिरेले उजुरी आए मन्त्री र सचिवलाई पनि नछोड्ने बताएका छन् । आइतबार अन्तर्गतको राज्यव्यवस्था तथा सुशासन समितिको बैठकमा बोल्दै घिमिरेले घुस मागेको र दिएको भनेर उजुरी आए छानविन गरि कारबाही गर्ने बताए ।

उनले मन्त्रीपरिषदका निर्णयमाथि अख्तियारले छानविन गर्न पाउने गरि कानून हुनुपर्ने माग गरे । अख्तिथयार प्रमुख घिमिरले कानूनको अभावमा मन्त्रिपरिषदको निर्णय छानविन गर्नमा समस्या भएको बताए ।

यस्तो छ उजुरी