हामी सबैकाे संसारन्यूज

१५ साउन, काठमाडौँ । नेपाली काँग्रेसका नेता डा. मिलेन्द्र रिजालले पार्टी सभापति शेरबहादुर देउवाले आफ्नो अध्यक्षतामा जेष्ठ राजनीतिज्ञ सभा गठन गरी आफ्नो पक्षका मान्छेमात्र मनोनित गरिएको प्रति गुनासो गरेका छन् ।

पार्टी सभापतिको अध्यक्षतामा ४७९ सदस्यीय ज्येष्ठ राजनीतिज्ञ सभा गठन भएछ। डडेलधुराका करिब दुई दर्जन सदस्य हुँदा मोरङ्गका तीनजना पर्नु भएछ। मोरङ्गका सबै अझै जवान भएर हो की ममा पार्टीको इतिहासको अनुपातको ज्ञान हराएको हो, अन्यमनस्क छु।

— Minendra Rijal (@MinendraRijal) July 29, 2020

पार्टी भित्र राजनीतिज्ञ सभा गठन भएको प्रति समेत अनविज्ञता व्यक्त गर्दै उनले धेरै डंडेलधुराबाट मात्र मनोनित गरिएकोमा गुनासो गरेका हुन् । ‘पार्टी सभापतिको अध्यक्षतामा ४७९ सदस्यीय ज्येष्ठ राजनीतिज्ञ सभा गठन भएछ। डडेलधुराका करिब दुई दर्जन सदस्य हुँदा मोरङ्गका तीनजना पर्नु भएछ। ’

सो सभामा मोरङबाट ३ जना राखिँदा आफूलाई वास्ता नगरिको प्रति पनि उनले गुनासो गरेका छन् । उनले लेखेका छन् ‘मोरङ्गका सबै अझै जवान भएर हो की ममा पार्टीको इतिहासको अनुपातको ज्ञान हराएको हो, अन्यमनस्क छु।’

उनले राजनीतिज्ञ सभामा डडेलधुराका जेष्ठ राजनीतिज्ञ शेरबहादुर देउवालाई मनोनीत गरेको कुरालाई लिएर व्यङ्गात्मक टिप्पणीसमेत गरेका छन् ।

नेता रिजालले भनेका छन् ‘आसन्न महाधिवेशनका लागि तनहुँका जेष्ठ राजनीतिज्ञ रामचन्द्र पौडेलप्रति हो की युवाहरूका प्रति सदाशयता देखाउनु भएको हो, घोत्लिदै छु ।

पार्टी सभापति शेरबहादुर देउवाले आफ्नो अध्यक्षतामा रहने जेष्ठ राजनीतिज्ञ सभामा डडेलधुराका जेष्ठ राजनीतिज्ञ शेरबहादुर देउवालाई मनोनीत गरेर आसन्न महाधिवेशनकालागी तनहुँका जेष्ठ राजनीतिज्ञ रामचन्द्र पौडेलप्रति हो की युवाहरूकाप्रति सदाशयता देखाउनु भएको हो घोत्लिदै छु।

— Minendra Rijal (@MinendraRijal) July 30, 2020

नेपाली काँग्रेसको महाधिवेशन नजिकँदै गर्दा पार्टी सभापति शेरबहादुर देउवाले समिति तथा विभागहरु गठन गरेका छन् । उनले महाधिवेशनमा आफ्नो पकड बलियो बनाउन पार्टी एकीकरण र पार्टी प्रवेश गराइरहेका छन् । संस्थापनइत्तर पक्षले पार्टी सभापतिले गरेका पछिल्ला निर्णयहरु आचारसंहिता विपरित भएको भन्दै गम्भिर आपत्ति जनाउँदै आएको छ ।