Sansar News
२० साउन, काठमाण्डौं । नेपालमा आज कोरोना संक्रमणबाट १ जनाको मृत्यु भएको पुष्टि भएको छ ।
स्वास्थ्य तथा जनसंख्या मन्त्रालयका अनुसार मोरङको विराटनगरपालिका ५ आर्दश टोलका ७७ वर्षीय एक पुरुषको साउन १९ गते मृत्यु भएको हो ।
ज्वरो र श्वास प्रस्वासमा समस्या आएपछि साउन १९ गते बिहान ९ः३० मा कोशी अन्चल अस्पताल विराटनगरमा उपचारका लागि आएका उनको आइसोलेशनमा भर्ना गरेर उपचार गरिएको थियो । उनमा मधुमेह तथा उच्च रक्तचापको समस्या रहेको पनि मन्त्रालयले जानकारी दिएको छ । आज एकको मृत्यु भएसँगै नेपालमा कोरोना संक्रमणबाट मृत्यु हुनेको संख्या ५८ पुगेको छ ।
कोरोना संक्रमणबाट आज एक महिलाको मृत्यु, मृतकको संख्या ५७ पुग्यो
वि.सं.२०७७ साउन २० मंगलवार १७:५५ मा प्रकाशित
