हामी सबैकाे संसारन्यूज

२१ साउन, मुगु । मुगु जिल्लाको सोरु गाउँपालिकामा नेपाल कम्युनिष्ट पार्टीका कार्यकताले एक शिक्षकलाई निर्घात रुपमा कुटपिट गरि शक्त घाइते बनाएका छन् ।

सोरु गाउँपालिका-३ भिई गाउँ घर भई हाल कालिका आधारभुत विद्यालय लिबु्रमा कार्यरत ३४ बर्षिय शिक्षक बिष्णु राज धामीलाई सोमबार राति नेकपाका कार्यक्रर्ताहरुले मरणाशन्न हुने गरि कुटपिट गरी शक्त घाइते बनाएका हुन् ।

भीई गाउँकै मनोज धामीको नेतृत्वमा सोमबार घाईते धामीको घरमा आएका ७ जना नेकपा कार्यकर्ताहरुले अपहरण शैलीमा धामीलाई घरबाट पाँच सय मिटर टाढा रहेको काटीया खोलामा लगेर निर्घात मरणासन्न हुने गरी कुटपिट गरेर घार्ईते बनाएको दाई डिल बहादुर धामीले जनाए ।

उनका अनुसार भाईलाई टाउको, पिठ्यु र तिर्घामा चोट लागेको छ । तत्काल उपचारका लागि गाउँमा सम्भव नभएको र सदरमुकाम गमगढी पुग्न २ दिन लाग्ने भएपछि उपचारका लागि जिल्ला प्रशासन कार्यालय मुगुको समन्वयमा हेलिकप्टरको व्यवस्था गरि मंगलबार माउन्टेन हलिकप्ट बाट कर्णाली प्रदेश अस्पताल सुर्खेत लगिएको छ ।

दिउसो फुटबल खेल्दा विवाद भएको र राति पूर्णिमा मेला लागेको ठाँउमा समेत विवाद भएपछि सुत्न गएका धामीको घरमा सोहि गाँउका मनोज धामि सहितको सात जनाको टोली गई शिक्षक धामीलाई कुटपिट गरेको प्रारम्भिक अनुसन्धानबाट खुल्न आएको र सोरुकोट बाट भिई गाँउमा गएको प्रहरी टोलीले कुटपिटमा संलग्नहरुको खोजी जारी राखेको प्रहरी प्रहरी नायव उपरिक्षक भुवनेश्वर प्रसाद साहले बताएका छन् ।

केहीदिन अघि मात्र नेकपाकै कार्यकर्ताहरुले रेडियो श्रीनगर एफएम मुगु सम्वाददाता खेमराज बुमीलाई पनि कुटपिट गरेपछि घाईते दाई सहित पत्रकार खेमराज जिल्ला सदरमुकाममा जाहेरी दिन आएका थिए । दाई सदरमुकाममै रहेको बेला भाईलाई कुटपिट गरिएकोले अगाडीको घटनालाई प्रभावित बनाउन भाईलाई कुटपिट गरिएको हुनसक्ने आंकलन गरिएको छ ।

घाईते बुमीका दाजुभाई स्थायी शिक्षक भएको र गाँउमा आउने विकास तथा अन्य कामकुराको सधै पारदर्शी हिसाव किताव खोज्ने भएकाले यिनीहरुलाई ठेगान लगाए गाँउमा आफनो र पार्टी एकलौटी बर्चस्व हुने भएकाले ज्यान मार्ने उदेश्यले कुटपिट गरेको पीडित परिवारको आरोप छ ।

नेपाल शिक्षक संघ मुगुले मंगलबार एक प्रेस विज्ञप्ति निकाल्दै घटनाको निन्दा गरेको छ । संघले घटनामा संलग्न ब्यक्तिलाई कडा भन्दा कडा कारबाहीको माग समेत गरेको छ ।