हामी सबैकाे संसारन्यूज

काठमाडौं । नेकपाका स्थायी समिति सदस्य एंव प्रधानमन्त्री केपी शर्मा ओलीका प्रमुख सल्लाहकार विष्णु रिमालले पार्टी प्रवक्ता नारायणकाजी श्रेष्ठलाई पदको लाज जोगाउन आग्रह गरेका छन् । शुक्रबार सामाजिक सञ्जाल ट्विटरमार्फत उनले श्रेष्ठलाई पदको लाज जोगाउन आग्रह गरेका हुन् ।

उनले विधि र पद्वतीको नक्कली गीत गाउँदै नेताहरुबीच गुटबन्दीको आगो दन्काउने काम नगर्न पनि श्रेष्ठलाई चेतावनी दिएका छन् । मुलुक संवदेनशील मोडमा रहेको भन्दै रिमालले पार्टी एकताविरुद्व गतिविधि नगर्न पनि चेतावनी दिएका छन् ।

Enough is enough @nksthaprakash जी! कम से कम पार्टी प्रवक्ता पदको लाज त जोगाउनुस। ‘बिधी र पद्दती’को नक्कली गीत गाउँदै नेताहरूलाई गुटवन्दीको आगोमा पोल्न उत्तोलक नबन्नुहोस्!
पार्टी एकता बिरूद्धका कुनैपनि गतिबिधि कतैबाट पनि नहोस् !!
मुलुक संवेदनशील मोडमा छ महसूस होस्!!!

— Bishnu Rimal (@BishnuRimal) August 7, 2020

पार्टी प्रवक्ता श्रेष्ठले केही सञ्चार माध्यमसँगको कुराकानीमा अध्यक्ष एंव प्रधानमन्त्री केपी शर्मा ओलीले पार्टीको विधि र पद्वतीलाई लत्याएको आरोप लगाएका थिए । उनले ओलीलाई पार्टी बैठकबाट भाग्ने तर नेताहरुलाई भेट्न घर–घरै धाउने गरेको आरोप लगाएका थिए ।

श्रेष्ठले पार्टी अध्यक्ष एंव प्रधानमन्त्री ओलीको विषयमा टिप्पणी गरेसँगै विष्णु रिमालले जवाफ फर्काएका हुन् ।