हामी सबैकाे संसारन्यूज

१
चामल पाएँ भन्दैमा भुसको बेवस्ता नगर्नु ।
आगो तापे पछी पुसको बेवास्ता नगर्नु ।
आमा नारी हुन भने बुवा जनक हैन र ?
ए ! नारीबादी हरु पुरुषको बेवस्ता नगर्नु ।
२
गरिबलाई माया गर्नु भो घाटा लाग्ने भो हजुरलाई ।
फुल झै कोमल शरीरमा काँटा लाग्ने भो हजुरलाई ।
हिजोसम्म रोटीको लागि कत्रो सङ्घर्ष गर्नु भयो
कमाएपछी त्यही जाबो आँटा लाग्ने भो हजुरलाई ।
३
बालुवामा खसालेर पानी रहर मात्र भो ।
बिधुवाले पालेको जवानी रहर मात्र भो ।
आमाबुवा नै नचिन्ने यो स्वार्थी सहरमा
तिम्रो मित्रता या चिनाजानी रहर मात्र भो ।
४
मन ठीक छैन भने फूल पनि काँडो लाग्दो रहेछ
आफ्नै जिन्दगी आफ्नै छायाँ घाँडो लाग्दो रहेछ
दवाई नलागेर कति मान्छेको ज्यान गयो होला
यो जाँड रक्सी भन्ने कति चाँडो लाग्दो रहेछ ।
५
पाखुरामा सम्पती बोलीबचनमै ईश्टमित्र रहेछ ।
मान्छेलाई असल बनाउँने त मान्छेभित्र रहेछ ।
राम कृष्ण बुद्ध पनि आखिर मान्छे नै त थिए
मान्छेलाई ईश्वर बनाउने मान्छेकै चरित्र रहेछ ।