हामी सबैकाे संसारन्यूज

२४ साउन काठमाण्डौं । नेपालमा आज कोरोना संक्रमणबाट ३ जनाको मृत्यु भएको छ । स्वास्थ्यमन्त्रालयका अनुसार आज मृत्यु हुनेमा काठमाण्डौं, पर्सा र मोरङका रहेका छन् ।

पर्साको वीरगन्ज महानगरपालिका वडा नं ३ छपकैयाका ७४ वर्षीय पुरुषको मृत्यु भएको छ । उनको उपचारका क्रममा साउन २३ गते दिउसो विरगन्जको गण्डक कोभिड अस्पतालमा उपचारका क्रममा मृत्यु भएको हो । उनी मधुमेह र दमको विरामी रहेको बताइएको छ ।

त्यस्तै मोरङको विराटनगर महानगरपालिका वडा नं ९ का ५८ वर्षीय पुरुषको साउन २३ गते बिहान कोशी अस्पतालमा उपचारका क्रममा मृत्यु भएको हो । उच्च रक्तचापको समस्या रहेका उनलाई निमोनिया, ज्वरो र श्वास प्रश्वासमा समस्या भएपछि केही दिनअघि सप्ताकोशी अस्पतालमा भर्ना भएका थिए । स्वास्थ्यमा थप जटिलता देखिएपछि उनलाई कोशी अस्पतालमा पुर्याइएको थियो ।

त्यस्तै कोठमाण्डौंको टोखा ६ की ४१ वर्षीया १ महिलाको साउन २३ गते बिहान पाटन अस्पताल ललितपुरमा मृत्यु भएको छ । आज मृत्यु भएको पुष्टी भएका ३ जनासँगै नेपालमा कोरोना संक्रमणबाट मृत्यु हुनेको संख्या ७३ पुगेको पनि मन्त्रालयले जनाएको छ ।

नेपालमा कोरोना संक्रमणबाट आजपनि ५ जनाको मृत्यु भएको पुष्टि, मृतकको संख्या ७० पुग्यो