हामी सबैकाे संसारन्यूज

काठमाडौं । प्रहरीले दाङका कृष्णबहादुर बोहराको हत्या आरोपीलाई सार्वजनिक गरेको छ । काठमाडौंको टोखा नगरपालिका वडा नं. १० स्थित गोंगबुमा भएको विभत्स हत्याका आरोपीलाई प्रहरीले पत्रकार सम्मेलन गरि सार्वजनिक गरेको हो ।

प्रहरीले ३७ वर्षीया कल्पना मुडभरी (पौडे)लाई उक्त हत्या आरोपमा पक्राउ गरि सार्वजनिक गरेको हो । प्रहरीले उनलाई चितवन कालिका नगरपालिका ९ शक्तिखोर स्थित माइतीबाट पक्राउ गरेको थियो ।

प्रहरीले जनाएअनुसार पक्राउ परेकी पौडेल कलाकार हुन् । उनले विभिन्न टेलिचलचित्रमा अभिनय गरेकी छिन् ।

प्रहरीले कल्पनासँगै उनको छोरीलाई पनि पक्राउ गरेको छ । हत्यामा संलग्न रहेको आशंकामा कक्षा १० मा अध्ययनरत उनकी छोरीलाई पनि पक्राउ गरेको हो ।

प्रहरीले जनाएअनुसार मृतक विगत ८ महिनादेखि उक्त होटलमा बस्दै आएका थिए । मृतक बोहरो र कल्पनाबीच फेसबुकमार्फत चिनाजानी भएको थियो ।

हत्यासँगै कल्पना एम्बुलेन्समार्फत माईतीघर चितवन पुगेकी थिइन् ।

आइतबार बिहान टाउको, खुट्टा र जीउ छुट्टाएको अवस्थामा शवको टुक्रा बरामद भएको थियो । झोलामा रगत लतपतीएको देखेपछि स्थानीयले प्रहरीलाई खबर गरेका थिए ।

टुक्रा–टुक्रामा भेटिएको शव कसको हो भन्ने प्रहरीले छुट्याउन सकेको थिएन । प्रहरीले शव पहिचान गर्न नसकेपछि फोटो सार्वजनिक गरेको थियो ।