हामी सबैकाे संसारन्यूज

काठमाडौं । स्वास्थ्य तथा जनसंख्या मन्त्रालय अन्तर्गतको स्वास्थ्य आपतकालीन कार्यसञ्चालन केन्द्रले स्वाब परीक्षणमा दिएपछि घरबाहिर नहिड्न अपिल गरेको छ । बिहिबार एक प्रेस विज्ञप्ती जारी गर्दै केन्द्रले रिपोर्ट नेगेटिभ नआउन्जेल घरमै बस्न अपिल गरेको हो ।

केन्द्र शंका नलागी परिक्षण नगर्न र परीक्षण गरेपछि घरमै अलग्गिएर बस्न भनेको छ । ‘आफूलाई शंका नलागी परिक्षण नगर्नु नगराउनु हुन र शंका लागेरै परिक्षणका लागि नमुना दिई रिपोर्ट नेगेटिभ नआउन्जेलसम्म अन्य व्यक्तिको सम्पर्कमा नआई अलग्गिएर बसीदिनुहुन र कोभिड–१९ संक्रमणको नतिजा आइसकेपछि आफ्नो सम्पर्कमा आएका व्यक्तिहरुलाई पनि जानकारी गराउन सबैमा अनुरोध छ,’ विज्ञप्तीमा भनिएको छ ।

परीक्षणका लागि नमुना दिने व्यक्तिमा कोरोना संक्रमण पनि हुनसक्ने भन्दै केन्द्रले सामान्य जसरी हिंडडुल, भेटघाट तथा जनसम्पर्कमा आउने व्यवहार गर्दा अन्यलाई पनि जोखिम हुनसक्ने बताएको छ ।

यस्तो छ स्वास्थ्य आपतकालीन तथा विपद व्यवस्थापन केन्द्रको विज्ञप्ती