Sansar News
काठमाडौं । महानगरीय अपराध महाशाखा, काठमाडौंले राष्ट्रिय झण्डा जलाउने मंगोल हप समुहका एक जनालाई पक्राउ गरेको छ । महाशाखाले पक्राउ बारे जानकारी दिए पनि को हुन् भन्ने भने खुलाएको छैन् ।
मंगोल हप समुहले बनाएको ‘देशद्रोही’ शीर्षकको गीतको भिडियोमा नेपालको राष्ट्रिय झण्डा जलाइएको छ। साथै प्रधानमन्त्री केपी शर्मा ओलीसहित पूर्वप्रधानमन्त्रीहरुको तस्बिर पनि जलाइएकाे देखिन्छ ।
भिडियोमा पूर्वराजा ज्ञानेन्द्र शाहमाथि अशभ्यपूर्णं रुपमा गाली गरिएको छ भने ब्राह्मण–क्षेत्री समुदायमाथि अत्यन्तै घृणायूक्त शब्दको प्रयोग गरिएको छ ।
मंगोल हप अफिसियल नामक यूट्युब च्यानलबाट सोमबार अपलोड गरिएको उक्त भिडियोबारे सामाजिक सञ्जालमा निकै प्रतिक्रिया आएका छन् । सबैले गीतमाथि तत्काल कारबाही गर्न माग गरेका छन् ।
सामाजिक सञ्जालमा निकै प्रतिक्रिया व्यक्त भएको भएपनि गीतलाई हालसम्म यूट्युबबाट भने निकालिएको छैन् ।
र्याप शैलीमा गाइएको गीतको सुटिङ्ग मकवानपुरको विष्णु आधारभूत विद्यालयको प्रांगणमा गरिएको देखिन्छ ।
सम्बन्धित समाचार
वि.सं.२०७७ भदौ २ मंगलवार १७:०० मा प्रकाशित
