हामी सबैकाे संसारन्यूज

काठमाडौं । कोरोना महामारीको कारण बेरोजगार भएका औधोगिक कामदारलाई भारत सरकारले राहत दिने भएको छ । बेरोजगार युवाहरुको विषयमा निर्णय गर्दै नरेन्द्र मोदी नेतृत्वको केन्द्रीय सरकारले बेरोजगार अवधिको आधा तलब कामदारलाई राहत स्वरुप दिने घोषणा गरेको हो ।

भारतीय समाचार एजेन्सीले जनाएअनुसार सरकारले काम बिहिन बनेका कामदारलाई ३ महिनाको तलबको आधा तलब दिनेछ । जनाइएअनुसार सरकारको यो घोषणाबाट ४० लाख कामदार लाभान्वित हुनेछन् ।

जनाइएअनुसार गत २४ मार्चदेखि बेरोजगार भएका कामदारको हकमा मात्रै राहत उपलब्ध गराईनेछ ।

१.९ करोड मानिस बेरोजगार

सेन्टर फर मोनिटरिङ्ग इण्डियन इकोनोमी (सीएमआईई)को रिपोर्टअनुसार कोरोना महामारीको कारण पैदा भएको संकटका कारण भारतभर झण्डै १.९ करोड मानिस बेरोजगार भएका छन् । जुलाईमा मात्रै ५० लाख बेरोजगार भएका थिए ।