हामी सबैकाे संसारन्यूज

५ भदौ काठमाडौं । नेपाल स्थित ईजरायली दुतावासले ईजरायली परिकारको विविधता सम्बन्धी अनलाईन कन्फरेन्सको सुरुवात गरेको छ । ईजरायलका प्रख्यात टेलिभिजन प्रस्तोता एवं सेफ गीलहोभावको सञ्चालनमा यहि भाद्र ३ गते काठमाडौं मेरियट होटलका सेफहरुसँग ईजरायली पकवानको इतिहास तथा संस्कृतिबारे भिडियो कन्फरेन्स मार्फत् सिकाई आदान प्रदान गरिएको थियो । कार्यक्रममा काठमाडौं मेरियट होटलका तर्फबाट प्रमुख सेफ सञ्जीव रञ्जन, एमएस ग्रूपका निर्देशक गौरव अग्रवाल, सुवर्ण थापा, स्वस्तिका घोसालको उपस्थिति थियो ।

कार्यक्रम मार्फत् मेरियट होटलका सेफहरुले ईजरायली सेफको सिकाई अनुसार विभिन्न ईजरायली परिकारहरु तयार परेका थिए । त्यसरी तयार गरिएको खानेकुराहरु कुशेऔंशी तथा बुबाको मुख हेर्ने दिनको अवसर पारेर भक्तपुर स्थित मानव कल्याण समाजमा आश्रीत ७३ जना मानिसहरुलाई खुवाईएको थियो । कोरोना भाईरको माहामारीको अवस्थामा पनि सावधानी पुर्वक पकाईएको ईजरायली परिकारहरु आश्रमका अविभावक एवं बालबालिकाहरुले निकै रुचाएका थिए । यसका अलवा दुतावासको तर्फबाट आश्रमलाई मास्क, पञ्जा, स्यानिटाईजर, साबुन, स्यानिटाईजर स्ट्यान्ड लगायतका सुरक्षा सामग्रीहरु समेत वितरण गरिएको थियो ।

सो अबसरमा इजरायली राजदुत बेनीओमरले यस किसिमको सिकाई आदानप्रदान कार्यक्रमले दुई देश बीच खानपानको संस्कृती बुभ्mन र दुई भिन्न समाजलाई नजीक ल्याउन मद्दत पु¥याउन सक्ने विश्वास व्यक्त गरे ।

उनले खानाको माध्याद्वारा विभिन्न देशमा रहेका मानिसहरु र त्यहाको संस्कृतिलाई एक आपसमा जोड्न सकिने, भाइचारा बाड्न सकिने र आश्यकता परेको बेला सहनशीलताको अभिवृद्धि हुने विचार ब्यक्त गरे ।

सो कार्यक्रममा होटल मेरियटका सेफ रञ्जनले खाना पनि सञ्चारको सुक्ष्म माध्यम भएकाले ईजरायली परिकार सिक्न पाउनु उपलब्धि भएको र यसले नेपाल–ईजरायल खानपानको सम्बन्धमा नयाँ आयाम थप्ने बिश्वास ब्यक्त गरे ।

मानव सेवाआश्रमकी सञ्चालिका एवं अध्यक्ष सुमित्रा चौलागाईले ईजरायली दुतावासलाई धन्यवाद दिदै बुवाको मुख हेर्ने दिन परेर सस्थालाई गरेको सहयोगप्रति आभार व्यक्त गरिन् ।