हामी सबैकाे संसारन्यूज

८ भदौँ, काठमाडौँ । पाकिस्तान र इंल्याण्ड बिचको तेस्रो तथा अन्तिम टेस्टमा पाकिस्तानका कप्तान अजहर अलीले इंल्याण्ड विरुद्ध सतक जडेका छन । कप्तान अजहर अलिले आफ्नो अन्तराष्ट्रिय टेस्ट क्रिकेट करियरमा १७ औँ सतक जडेका छन भने टेस्ट क्रिकेटमा ६ हजार रन पनि पुरा गरेका छन ।

पाकिस्तान आफ्नो पहिलो इंनिङ्गमा २७३ रनमा अलआउट भएको छ । पाकिस्तानका लागि अजहर अली २७२ बल खेल्दैँ १४१ रन बनाएर नटआउट रहेका थिए । इंल्याण्डका लागि बलिङ्गमा जेम्स एन्डरसनले सर्वाधिक ५ विकेट लिएका छन ।

फास्टबलर जेम्स एन्डरसन अन्तराष्ट्रिय टेस्ट क्रिकेटमा ६ सय विकेट लिनबाट मात्र २ विकेट पछि रहेका छन । उनले अहिलेसम्म टेस्ट क्रिकेटमा ५९८ विकेट लिएका छन । तेस्रो दिनको खेल सकिदासम्म पाकिस्तान अहिले पनि ३१० रनले पछि रहेको छ । चोथौ दिनमा पाकिस्तानले आफ्नो दोस्रो इंनिङ्गको सुरुवात गर्ने छ ।

चौथो दिनको खेल आज दिउँसो ३:४५ बाट सुरु हुनेछ ।